曾智華 - 師奶嘈到拆天｜祿祿無窮
曾智華
2022-12-05 00:00 HKT
字體大小
上周三本欄刊出——師奶注細細巴巴閉。
內容指出，小弟慣性早餐的茶記內，有兩幫嘈嘈閉熟客，男的一枱為的士阿叔，朝朝「論政」，總之，凡事彈，彈到樹葉都落，之後，舒服晒，八點前鳥獸散開工去。
女的一枱為肥師奶（冇瘦師奶㗎！），專交換超市抵買情報，另又詳細分析娛樂版新聞，尤其針對有乜藝員衰嘢（好嘢佢哋全部冇興趣），集中講緋聞，邊個同邊個偷食之類，最為肉緊。
不過，世界盃一開，肥師奶們立即轉軚講波，與司機大叔對着幹。司機大叔長年睇波，故分析得頭頭是道，由教練戰術到球員質素等等，相當有層次，逐場講。不過⋯⋯慘情，佢哋投注，輸到瞓街！
但班肥師奶呢，睬你都傻，雖分成兩派，但完全唔研究每隊打法及實力。第一派場場只買最冷一瓣；另一派，場場買和。結果顯示，第一派贏到開巷，第二派也有微利。
上周五早上小弟闖入茶記，已聞嘈到拆天，班肥師奶竟在大唱日本歌。我當然知點解啦，因又再爆大冷，日本隊砌低西班牙，贏二比一，隔夜有成七倍，再大豐收。
佢哋咁招搖，當然惹來的士大叔不滿，窒之：「根本場波假嘅，西班牙放水咋，你班師奶識乜吖，睇球隊走線啦，懵閉閉！」
哎呀，好在班肥師奶贏咗錢大包容，否則，分分鐘火星撞地球呀！
曾智華
內容指出，小弟慣性早餐的茶記內，有兩幫嘈嘈閉熟客，男的一枱為的士阿叔，朝朝「論政」，總之，凡事彈，彈到樹葉都落，之後，舒服晒，八點前鳥獸散開工去。
女的一枱為肥師奶（冇瘦師奶㗎！），專交換超市抵買情報，另又詳細分析娛樂版新聞，尤其針對有乜藝員衰嘢（好嘢佢哋全部冇興趣），集中講緋聞，邊個同邊個偷食之類，最為肉緊。
不過，世界盃一開，肥師奶們立即轉軚講波，與司機大叔對着幹。司機大叔長年睇波，故分析得頭頭是道，由教練戰術到球員質素等等，相當有層次，逐場講。不過⋯⋯慘情，佢哋投注，輸到瞓街！
但班肥師奶呢，睬你都傻，雖分成兩派，但完全唔研究每隊打法及實力。第一派場場只買最冷一瓣；另一派，場場買和。結果顯示，第一派贏到開巷，第二派也有微利。
上周五早上小弟闖入茶記，已聞嘈到拆天，班肥師奶竟在大唱日本歌。我當然知點解啦，因又再爆大冷，日本隊砌低西班牙，贏二比一，隔夜有成七倍，再大豐收。
佢哋咁招搖，當然惹來的士大叔不滿，窒之：「根本場波假嘅，西班牙放水咋，你班師奶識乜吖，睇球隊走線啦，懵閉閉！」
哎呀，好在班肥師奶贏咗錢大包容，否則，分分鐘火星撞地球呀！
曾智華
最Hit
農曆新年｜醒神拜年都無用 房署禁公屋保安、清潔員收利是 私人屋苑訓令員工勿「主動」索取利益
2026-02-14 22:58 HKT
公屋租置計劃｜房屋局今年研重推 39屋邨現租戶可買單位 一文睇清申請資格、步驟、按揭及注意事項
2026-02-14 15:10 HKT
人形機械人組團上春晚 美國專家緊盯
11小時前
8部賀歲片缺現象級 票房料冷
23小時前
更多文章
