曾智华 - 师奶嘈到拆天｜禄禄无穷
曾智华
2022-12-05 00:00 HKT
字體大小
上周三本栏刊出——师奶注细细巴巴闭。
内容指出，小弟惯性早餐的茶记内，有两帮嘈嘈闭熟客，男的一枱为的士阿叔，朝朝「论政」，总之，凡事弹，弹到树叶都落，之后，舒服晒，八点前鸟兽散开工去。
女的一枱为肥师奶（冇瘦师奶㗎！），专交换超市抵买情报，另又详细分析娱乐版新闻，尤其针对有乜艺员衰嘢（好嘢佢哋全部冇兴趣），集中讲绯闻，边个同边个偷食之类，最为肉紧。
不过，世界杯一开，肥师奶们立即转軚讲波，与司机大叔对着干。司机大叔长年睇波，故分析得头头是道，由教练战术到球员质素等等，相当有层次，逐场讲。不过⋯⋯惨情，佢哋投注，输到瞓街！
但班肥师奶呢，睬你都傻，虽分成两派，但完全唔研究每队打法及实力。第一派场场只买最冷一瓣；另一派，场场买和。结果显示，第一派赢到开巷，第二派也有微利。
上周五早上小弟闯入茶记，已闻嘈到拆天，班肥师奶竟在大唱日本歌。我当然知点解啦，因又再爆大冷，日本队砌低西班牙，赢二比一，隔夜有成七倍，再大丰收。
佢哋咁招摇，当然惹来的士大叔不满，窒之：「根本场波假嘅，西班牙放水咋，你班师奶识乜吖，睇球队走线啦，懵闭闭！」
哎呀，好在班肥师奶赢咗钱大包容，否则，分分钟火星撞地球呀！
曾智华
内容指出，小弟惯性早餐的茶记内，有两帮嘈嘈闭熟客，男的一枱为的士阿叔，朝朝「论政」，总之，凡事弹，弹到树叶都落，之后，舒服晒，八点前鸟兽散开工去。
女的一枱为肥师奶（冇瘦师奶㗎！），专交换超市抵买情报，另又详细分析娱乐版新闻，尤其针对有乜艺员衰嘢（好嘢佢哋全部冇兴趣），集中讲绯闻，边个同边个偷食之类，最为肉紧。
不过，世界杯一开，肥师奶们立即转軚讲波，与司机大叔对着干。司机大叔长年睇波，故分析得头头是道，由教练战术到球员质素等等，相当有层次，逐场讲。不过⋯⋯惨情，佢哋投注，输到瞓街！
但班肥师奶呢，睬你都傻，虽分成两派，但完全唔研究每队打法及实力。第一派场场只买最冷一瓣；另一派，场场买和。结果显示，第一派赢到开巷，第二派也有微利。
上周五早上小弟闯入茶记，已闻嘈到拆天，班肥师奶竟在大唱日本歌。我当然知点解啦，因又再爆大冷，日本队砌低西班牙，赢二比一，隔夜有成七倍，再大丰收。
佢哋咁招摇，当然惹来的士大叔不满，窒之：「根本场波假嘅，西班牙放水咋，你班师奶识乜吖，睇球队走线啦，懵闭闭！」
哎呀，好在班肥师奶赢咗钱大包容，否则，分分钟火星撞地球呀！
曾智华
最Hit
老字号酒楼时光倒流价！乳鸽/烧鹅濑优惠$19.8 每日茶市供应
2025-11-18 13:01 HKT
金州杀人魔逃亡30年落网 「迷你GG」竟是破案关键 警揭惊人尺寸
2025-11-18 20:35 HKT
更多文章
