KellyChu - 《大都會》重播丁蟹效應再現｜Executive日記
KellyChu
2022-10-26 00:00 HKT
字體大小
恒指「高台跳水」，創逾十三年半新低，股民垂頭喪氣，呢個時刻，佢哋又驚覺秋官原來又現身電視，由佢主演嘅無線劇集《大都會》，咁啱喺周二凌晨重播，唔通「丁蟹效應」又再靈驗？
周二凌晨喺無線播出嘅《大都會》，一共五集，一九八八年首播，主要講述富商家族嘅恩怨鬥爭，演員卡士強勁，除咗鄭少秋之外，仲有汪明荃、周星馳、梁朝偉等。不過，同日恒指就暴跌過千點，唔少股民唯有「信邪」，歎「丁蟹效應」應驗；仲有網民喺社交媒體留言，要求腰斬《大都會》重播，形容「個市有排跌！」
「丁蟹效應」源於秋官喺九二年十月首播嘅劇集《大時代》，佢飾演股市狂人大反派丁蟹，故事講述丁蟹喺熊市中拋恒指期貨獲取暴利，恰巧當時恒指一個月內暴跌兩成，唔少股民投資失利。之後至今嘅三十年，幾乎每逢電視台播出秋官嘅劇集，啲人都睇住個市點郁動。Kelly翻查資料，發現巧合次數達四十六次，其中多次仲大幅急瀉，例如九四年《笑看風雲》首播嗰陣，恒指十四個交易日跌逾兩成；〇八年重播《楚漢驕雄》，恒指就單周累跌二千八百多點。不過，Kelly就覺得，股市波動受美國加息、新冠疫情、地緣政治局勢等因素影響，「丁蟹效應」有可能只係巧合啫。
Kelly Chu
■網民喺社交媒體留言要求腰斬《大都會》重播。
周二凌晨喺無線播出嘅《大都會》，一共五集，一九八八年首播，主要講述富商家族嘅恩怨鬥爭，演員卡士強勁，除咗鄭少秋之外，仲有汪明荃、周星馳、梁朝偉等。不過，同日恒指就暴跌過千點，唔少股民唯有「信邪」，歎「丁蟹效應」應驗；仲有網民喺社交媒體留言，要求腰斬《大都會》重播，形容「個市有排跌！」
「丁蟹效應」源於秋官喺九二年十月首播嘅劇集《大時代》，佢飾演股市狂人大反派丁蟹，故事講述丁蟹喺熊市中拋恒指期貨獲取暴利，恰巧當時恒指一個月內暴跌兩成，唔少股民投資失利。之後至今嘅三十年，幾乎每逢電視台播出秋官嘅劇集，啲人都睇住個市點郁動。Kelly翻查資料，發現巧合次數達四十六次，其中多次仲大幅急瀉，例如九四年《笑看風雲》首播嗰陣，恒指十四個交易日跌逾兩成；〇八年重播《楚漢驕雄》，恒指就單周累跌二千八百多點。不過，Kelly就覺得，股市波動受美國加息、新冠疫情、地緣政治局勢等因素影響，「丁蟹效應」有可能只係巧合啫。
Kelly Chu
最Hit
甘肅女大生執手機跌入化糞池溺斃 網民：最悲摧的死法
2025-05-01 11:05 HKT
《中年好聲音3》參賽者酒樓登台片瘋傳 被塞500元錫阿婆面珠 熱情互動惹側目網嘆搵食艱難
2025-05-02 16:00 HKT
更多文章
