KellyChu - 《大都会》重播丁蟹效应再现｜Executive日记
KellyChu
2022-10-26 00:00 HKT
字体大小
恒指「高台跳水」，创逾十三年半新低，股民垂头丧气，呢个时刻，佢哋又惊觉秋官原来又现身电视，由佢主演嘅无线剧集《大都会》，咁啱喺周二凌晨重播，唔通「丁蟹效应」又再灵验？
周二凌晨喺无线播出嘅《大都会》，一共五集，一九八八年首播，主要讲述富商家族嘅恩怨斗争，演员卡士强劲，除咗郑少秋之外，仲有汪明荃、周星驰、梁朝伟等。不过，同日恒指就暴跌过千点，唔少股民唯有「信邪」，叹「丁蟹效应」应验；仲有网民喺社交媒体留言，要求腰斩《大都会》重播，形容「个市有排跌！」
「丁蟹效应」源于秋官喺九二年十月首播嘅剧集《大时代》，佢饰演股市狂人大反派丁蟹，故事讲述丁蟹喺熊市中抛恒指期货获取暴利，恰巧当时恒指一个月内暴跌两成，唔少股民投资失利。之后至今嘅三十年，几乎每逢电视台播出秋官嘅剧集，啲人都睇住个市点郁动。Kelly翻查资料，发现巧合次数达四十六次，其中多次仲大幅急泻，例如九四年《笑看风云》首播𠮶阵，恒指十四个交易日跌逾两成；〇八年重播《楚汉骄雄》，恒指就单周累跌二千八百多点。不过，Kelly就觉得，股市波动受美国加息、新冠疫情、地缘政治局势等因素影响，「丁蟹效应」有可能只系巧合啫。
Kelly Chu
■网民喺社交媒体留言要求腰斩《大都会》重播。
周二凌晨喺无线播出嘅《大都会》，一共五集，一九八八年首播，主要讲述富商家族嘅恩怨斗争，演员卡士强劲，除咗郑少秋之外，仲有汪明荃、周星驰、梁朝伟等。不过，同日恒指就暴跌过千点，唔少股民唯有「信邪」，叹「丁蟹效应」应验；仲有网民喺社交媒体留言，要求腰斩《大都会》重播，形容「个市有排跌！」
「丁蟹效应」源于秋官喺九二年十月首播嘅剧集《大时代》，佢饰演股市狂人大反派丁蟹，故事讲述丁蟹喺熊市中抛恒指期货获取暴利，恰巧当时恒指一个月内暴跌两成，唔少股民投资失利。之后至今嘅三十年，几乎每逢电视台播出秋官嘅剧集，啲人都睇住个市点郁动。Kelly翻查资料，发现巧合次数达四十六次，其中多次仲大幅急泻，例如九四年《笑看风云》首播𠮶阵，恒指十四个交易日跌逾两成；〇八年重播《楚汉骄雄》，恒指就单周累跌二千八百多点。不过，Kelly就觉得，股市波动受美国加息、新冠疫情、地缘政治局势等因素影响，「丁蟹效应」有可能只系巧合啫。
Kelly Chu
更多文章
