KellyChu - 太古展覽「信望未來」｜Executive日記
KellyChu
2022-10-15 00:00 HKT
字體大小
太古「信望香港 信望未來」展覽去年首次亮相，Kelly近期就得知，太古今年十月二十二日至十一月六日，會喺太古城中心再辦一次展覽。今次選址鰂魚涌——呢個昔日曾經係太古船塢同太古煉糖廠所在地——展現太古喺香港扎根超過一百五十年嘅發展歷程，另有一番意義。太古就同Kelly講，今次展覽除咗展出一系列珍貴圖片、歷史藏品、互動光影體驗，現場會有音樂演奏，仲有唔少互動裝置、遊戲同打卡位。
太古話，大家睇展之餘，可以喺展區打卡影返幾張靚相，例如經典嘅太古糖包裝、可口可樂懷舊自助售賣機、國泰航空商務客艙座位，都係唔錯嘅選擇。而鍾意音樂嘅朋友，就記得十月二十三同三十日上午十一點到場，屆時會有香港管弦樂團，同管弦樂精英訓練計劃嘅樂手，現場演奏多首耳熟能詳嘅樂章。此外，大家仲可以喺現場收集限量紀念襟章，機會難得，千萬唔好錯過！
Kelly Chu
太古話，大家睇展之餘，可以喺展區打卡影返幾張靚相，例如經典嘅太古糖包裝、可口可樂懷舊自助售賣機、國泰航空商務客艙座位，都係唔錯嘅選擇。而鍾意音樂嘅朋友，就記得十月二十三同三十日上午十一點到場，屆時會有香港管弦樂團，同管弦樂精英訓練計劃嘅樂手，現場演奏多首耳熟能詳嘅樂章。此外，大家仲可以喺現場收集限量紀念襟章，機會難得，千萬唔好錯過！
Kelly Chu
更多文章
