KellyChu - 太古展览「信望未来」|Executive日记

太古「信望香港 信望未来」展览去年首次亮相,Kelly近期就得知,太古今年十月二十二日至十一月六日,会喺太古城中心再办一次展览。今次选址鲗鱼涌——呢个昔日曾经系太古船坞同太古炼糖厂所在地——展现太古喺香港扎根超过一百五十年嘅发展历程,另有一番意义。太古就同Kelly讲,今次展览除咗展出一系列珍贵图片、历史藏品、互动光影体验,现场会有音乐演奏,仲有唔少互动装置、游戏同打卡位。

太古话,大家睇展之余,可以喺展区打卡影返几张靓相,例如经典嘅太古糖包装、可口可乐怀旧自助售卖机、国泰航空商务客舱座位,都系唔错嘅选择。而钟意音乐嘅朋友,就记得十月二十三同三十日上午十一点到场,届时会有香港管弦乐团,同管弦乐精英训练计划嘅乐手,现场演奏多首耳熟能详嘅乐章。此外,大家仲可以喺现场收集限量纪念襟章,机会难得,千万唔好错过!
Kelly Chu
更多文章