KellyChu - 筲箕灣行到堅尼地城 卓永興大長征巡街｜Executive日記
KellyChu
2022-10-13 00:00 HKT
字體大小
Kelly早前收到風，督導「打擊衞生黑點計劃」嘅政務司副司長卓永興日內會再落區指導工作。果然，卓副司長昨日就喺facebook透露，自己星期二花咗四個半鐘，由筲箕灣東大街步行到堅尼地城士美菲路，一路視察港島嘅街道係咪潔淨，一共走咗二十一公里，形容自己做咗一項「壯舉」。有網民就留言話：「犀利呀！可稱為『清潔長征』！」
卓副司長話，見到街道嘅清潔狀況，有唔少改善，街上棄置嘅小垃圾唔多，垃圾桶少有滿溢嘅情況，旁邊棄置垃圾嘅情形亦唔多見，路面明顯少咗煙頭、香口膠漬同污水漬，而餵飼野鴿嘅黑點已被清理。佢又話，除咗春秧街同寶靈頓道外，街道普遍暢通，幾個店舖阻街嘅黑點，例如金華街同成安街已有明顯改善。佢特別讚揚食環署東區辦事處嘅人員，話東區衛生情況令人「激賞」，如果滿分係十分，佢樂意打八分。佢強調前日嘅視察，係親自即日安排，所見所聞，絕對係實況，仲透露星期日會到九龍視察，但時間同地點暫時保密，費事打草驚蛇。
帖文題目叫「波鞋便服無人識 踏過街巷第幾條」，根據帖文圖片，卓副司長嗰日着咗件紫色有領Polo恤、褐色長褲，同一對灰色波鞋，睇上去係普通市民，其實係微服出巡。
Kelly Chu
卓副司長話，見到街道嘅清潔狀況，有唔少改善，街上棄置嘅小垃圾唔多，垃圾桶少有滿溢嘅情況，旁邊棄置垃圾嘅情形亦唔多見，路面明顯少咗煙頭、香口膠漬同污水漬，而餵飼野鴿嘅黑點已被清理。佢又話，除咗春秧街同寶靈頓道外，街道普遍暢通，幾個店舖阻街嘅黑點，例如金華街同成安街已有明顯改善。佢特別讚揚食環署東區辦事處嘅人員，話東區衛生情況令人「激賞」，如果滿分係十分，佢樂意打八分。佢強調前日嘅視察，係親自即日安排，所見所聞，絕對係實況，仲透露星期日會到九龍視察，但時間同地點暫時保密，費事打草驚蛇。
帖文題目叫「波鞋便服無人識 踏過街巷第幾條」，根據帖文圖片，卓副司長嗰日着咗件紫色有領Polo恤、褐色長褲，同一對灰色波鞋，睇上去係普通市民，其實係微服出巡。
Kelly Chu
更多文章
