KellyChu - 筲箕湾行到坚尼地城 卓永兴大长征巡街｜Executive日记
KellyChu
2022-10-13 00:00 HKT
字体大小
Kelly早前收到风，督导「打击衞生黑点计划」嘅政务司副司长卓永兴日内会再落区指导工作。果然，卓副司长昨日就喺facebook透露，自己星期二花咗四个半钟，由筲箕湾东大街步行到坚尼地城士美菲路，一路视察港岛嘅街道系咪洁净，一共走咗二十一公里，形容自己做咗一项「壮举」。有网民就留言话：「犀利呀！可称为『清洁长征』！」
卓副司长话，见到街道嘅清洁状况，有唔少改善，街上弃置嘅小垃圾唔多，垃圾桶少有满溢嘅情况，旁边弃置垃圾嘅情形亦唔多见，路面明显少咗烟头、香口胶渍同污水渍，而喂饲野鸽嘅黑点已被清理。佢又话，除咗春秧街同宝灵顿道外，街道普遍畅通，几个店舖阻街嘅黑点，例如金华街同成安街已有明显改善。佢特别赞扬食环署东区办事处嘅人员，话东区卫生情况令人「激赏」，如果满分系十分，佢乐意打八分。佢强调前日嘅视察，系亲自即日安排，所见所闻，绝对系实况，仲透露星期日会到九龙视察，但时间同地点暂时保密，费事打草惊蛇。
帖文题目叫「波鞋便服无人识 踏过街巷第几条」，根据帖文图片，卓副司长𠮶日着咗件紫色有领Polo恤、褐色长裤，同一对灰色波鞋，睇上去系普通市民，其实系微服出巡。
Kelly Chu
卓副司长话，见到街道嘅清洁状况，有唔少改善，街上弃置嘅小垃圾唔多，垃圾桶少有满溢嘅情况，旁边弃置垃圾嘅情形亦唔多见，路面明显少咗烟头、香口胶渍同污水渍，而喂饲野鸽嘅黑点已被清理。佢又话，除咗春秧街同宝灵顿道外，街道普遍畅通，几个店舖阻街嘅黑点，例如金华街同成安街已有明显改善。佢特别赞扬食环署东区办事处嘅人员，话东区卫生情况令人「激赏」，如果满分系十分，佢乐意打八分。佢强调前日嘅视察，系亲自即日安排，所见所闻，绝对系实况，仲透露星期日会到九龙视察，但时间同地点暂时保密，费事打草惊蛇。
帖文题目叫「波鞋便服无人识 踏过街巷第几条」，根据帖文图片，卓副司长𠮶日着咗件紫色有领Polo恤、褐色长裤，同一对灰色波鞋，睇上去系普通市民，其实系微服出巡。
Kelly Chu
最Hit
本地餐饮业新模式？人气牛扒店铜锣湾Pop-up晚晚爆满 创办人成功把握1商机：双赢做法！
2026-03-14 11:15 HKT
巴士大叔戴耳机睇片 固定手机方法极聪明 搭飞机式享受 网民激赞：长者典范｜Juicy叮
2026-03-14 15:43 HKT
更多文章
