曾智華 - 的士大佬手機陣|祿祿無窮

政府制訂新政策,當然要想過度過啦。不過,Timing總不能太落後於形勢。
二○一四年開始,我每年都出外旅遊或工作十次八次。赴機場,多數會搭的士。
每一次旅程,都似在搭「嚇破膽過山車」!因司機大佬日日月月無數次揸同一條路,當然知道邊度捉快相,邊度可以踩盡。
於是,一有走雞地段,嘩,分分鐘百二咪以上,真係心血少啲都唔掂。
試過要求司機收慢:「大哥,唔係好趕,可否慢啲?」多數答曰:「唔怕喎,我手車好掂,百分百安全㗎,放心啦!」
大佬,你自己「較飛」好啦,點解拉埋我落水?
所以,我早早求神拜佛,唔該政府成條機場路安裝快相機捉超速。事實,單單機場路嘅意外,皆杰撻撻,多撞死人!
另一樣,又係「攞膽」。機場的士司機,十之六七,乃「千手觀音」,車頭放六至八部機閒閒哋,一邊揸一邊take order。試過幾次,離譜到雙手離軚抄號碼,直至車「跣」過線才修正!
一直好奇,點解運輸署及警方交通部會容忍呢類情況發生?點解咁多年都唔做嘢?
等呀等,終於等到嘞。政府遲到好過冇到,提出建議立法,禁止所有車輛司機在車頭放置兩部或以上電話,並考慮禁止司機在車輛移動時,觸碰屏幕使用電話。
唔好再拖嘞,快快脆一二三立法啦,好多車禍因以上兩點而起㗎!
曾智華
二○一四年開始,我每年都出外旅遊或工作十次八次。赴機場,多數會搭的士。
每一次旅程,都似在搭「嚇破膽過山車」!因司機大佬日日月月無數次揸同一條路,當然知道邊度捉快相,邊度可以踩盡。
於是,一有走雞地段,嘩,分分鐘百二咪以上,真係心血少啲都唔掂。
試過要求司機收慢:「大哥,唔係好趕,可否慢啲?」多數答曰:「唔怕喎,我手車好掂,百分百安全㗎,放心啦!」
大佬,你自己「較飛」好啦,點解拉埋我落水?
所以,我早早求神拜佛,唔該政府成條機場路安裝快相機捉超速。事實,單單機場路嘅意外,皆杰撻撻,多撞死人!
另一樣,又係「攞膽」。機場的士司機,十之六七,乃「千手觀音」,車頭放六至八部機閒閒哋,一邊揸一邊take order。試過幾次,離譜到雙手離軚抄號碼,直至車「跣」過線才修正!
一直好奇,點解運輸署及警方交通部會容忍呢類情況發生?點解咁多年都唔做嘢?
等呀等,終於等到嘞。政府遲到好過冇到,提出建議立法,禁止所有車輛司機在車頭放置兩部或以上電話,並考慮禁止司機在車輛移動時,觸碰屏幕使用電話。
唔好再拖嘞,快快脆一二三立法啦,好多車禍因以上兩點而起㗎!
曾智華
最Hit
周驄離世終年92歲 傳不敵肺炎病逝
2小時前
前TVB星二代自認敗家仔貼錢打工:深入民心 曾收藏一打座駕 獲Do姐「救」一命?
2025-07-03 11:00 HKT
65歲三屆金像影后認曾整容「臉上縫89針」 曾患抑鬱5年不出門 自言現在「走路都不行」
2025-07-03 12:04 HKT
羅湖口岸直擊|新增小行李通道過關分流 港人讚便捷:不用再彎腰執袋
2025-07-03 13:10 HKT