曾智华 - 的士大佬手机阵｜禄禄无穷
曾智华
2022-07-25 00:00 HKT
字体大小
政府制订新政策，当然要想过度过啦。不过，Timing总不能太落后于形势。
二○一四年开始，我每年都出外旅游或工作十次八次。赴机场，多数会搭的士。
每一次旅程，都似在搭「吓破胆过山车」！因司机大佬日日月月无数次揸同一条路，当然知道边度捉快相，边度可以踩尽。
于是，一有走鸡地段，哗，分分钟百二咪以上，真系心血少啲都唔掂。
试过要求司机收慢：「大哥，唔系好赶，可否慢啲？」多数答曰：「唔怕㖞，我手车好掂，百分百安全㗎，放心啦！」
大佬，你自己「较飞」好啦，点解拉埋我落水？
所以，我早早求神拜佛，唔该政府成条机场路安装快相机捉超速。事实，单单机场路嘅意外，皆杰挞挞，多撞死人！
另一样，又系「攞胆」。机场的士司机，十之六七，乃「千手观音」，车头放六至八部机闲闲哋，一边揸一边take order。试过几次，离谱到双手离軚抄号码，直至车「跣」过线才修正！
一直好奇，点解运输署及警方交通部会容忍呢类情况发生？点解咁多年都唔做嘢？
等呀等，终于等到嘞。政府迟到好过冇到，提出建议立法，禁止所有车辆司机在车头放置两部或以上电话，并考虑禁止司机在车辆移动时，触碰屏幕使用电话。
唔好再拖嘞，快快脆一二三立法啦，好多车祸因以上两点而起㗎！
曾智华
二○一四年开始，我每年都出外旅游或工作十次八次。赴机场，多数会搭的士。
每一次旅程，都似在搭「吓破胆过山车」！因司机大佬日日月月无数次揸同一条路，当然知道边度捉快相，边度可以踩尽。
于是，一有走鸡地段，哗，分分钟百二咪以上，真系心血少啲都唔掂。
试过要求司机收慢：「大哥，唔系好赶，可否慢啲？」多数答曰：「唔怕㖞，我手车好掂，百分百安全㗎，放心啦！」
大佬，你自己「较飞」好啦，点解拉埋我落水？
所以，我早早求神拜佛，唔该政府成条机场路安装快相机捉超速。事实，单单机场路嘅意外，皆杰挞挞，多撞死人！
另一样，又系「攞胆」。机场的士司机，十之六七，乃「千手观音」，车头放六至八部机闲闲哋，一边揸一边take order。试过几次，离谱到双手离軚抄号码，直至车「跣」过线才修正！
一直好奇，点解运输署及警方交通部会容忍呢类情况发生？点解咁多年都唔做嘢？
等呀等，终于等到嘞。政府迟到好过冇到，提出建议立法，禁止所有车辆司机在车头放置两部或以上电话，并考虑禁止司机在车辆移动时，触碰屏幕使用电话。
唔好再拖嘞，快快脆一二三立法啦，好多车祸因以上两点而起㗎！
曾智华
更多文章
