商界講呢啲｜商場利是封出籠 不同風格迎新年
Cally
2022-01-06 00:00
字體大小
今年2月1號就係農曆新年，好多商場會出新設計嘅利是封配合換領活動，而家仲愈嚟愈多花款，有啲係卡通公仔、有啲係經典簡約圖案，好多款都靚啊！Cally已經mark咗啲心水，準備同姊妹們開心share吓。
Cally
荃新天地今年精心準備咗一套兩款嘅獨家限量版「CitywalkCataholic Wonderland虎年竹福利是封」，分別係「金元寶貓貓魔法師Mika」同「紅梅花好奇貓少女Alice」，只要拉內封，Mika和Alice就由精靈大眼變心心眼。只要登記做S+ REWARDS會員，喺1月22號起用60點數換利是封乙套。▲ 
▲屯門市廣場同John Ho合作，準備咗「肉肉熊與花花貓甜蜜蜜利是封」同「幸福滿滿利是套裝」，用咗姊妹們最鍾意嘅珊瑚粉同櫻花粉做主色，小妹見到都少女心氾濫。由1月14號開始，S+ REWARDS會員可以用指定點數換到！ 
▲本地人氣插畫師蛙姐拍住The ONE，特登設計咗獨家限量版一套兩款嘅「金運全開利是封」，咁可愛見到都「蛙」一聲啊！The ONE Club會員由1月15起完成指定步驟即可換領！ 
▲ 皇室堡同人氣插畫家文地貓為大家準備咗「喵」年禮遇迎新歲，其中就有盞鬼得嚟又高貴嘅熨金「喵」年利是封，印咗笨薯、文地貓同多爺嘅新春造型，絕對係貓奴必換利是封！WINDSOR CLUB會員喺1月15號開始，當日消費滿$500可以免費換到「『喵』年利是封」乙套。 
卡通人物系列 老虎貓仔湊熱鬧
▲荃灣廣場配合嚟近虎年，用迪士尼經典角色跳跳虎做主題，設計一套四款限量版「闔『虎』請請利是封」，希望封利是或者收到嘅人新一年都會虎虎生威。由1月10到31號，The Point會員參加活動就可以換到利是封。 
▲雖然話嚟近係虎年，但係朗豪坊就出貓咪嚟湊熱鬧，「快樂常『胖』開運禮盒」裏面有一套兩款嘅利是封（一共12個），上面懶洋洋嘅肥肥貓伸懶腰，感覺好治癒啊！除此之外，裹面有「常滿」牌罐罐同紅棗桂圓薑黑糖磚同新年限定嘅菊花山楂冰糖磚。由1月7到31號，LP CLUB會員用指定積分可以換到！ 
簡約圖案有質感 和風系列
▲太古城中心特別推出咗「楽滿祝福」一套四款嘅利是封套裝，用日式簡約精緻嘅風格嚟設計傳統利是封，現代時尚嘅幾何圖案組成寓意長壽如意嘅金魚同雲鶴，上面仲用咗燙金凸印同UV反光技術，睇落好有質感！由1月14號起，消費滿指定金額，下載TAIKOO+ APP同登記做會員，就可以換到啦。
Cally
更多文章
