商界讲呢啲｜商场利是封出笼 不同风格迎新年
Cally
2022-01-06 00:00 HKT
字體大小
今年2月1号就系农历新年，好多商场会出新设计嘅利是封配合换领活动，而家仲愈嚟愈多花款，有啲系卡通公仔、有啲系经典简约图案，好多款都靓啊！Cally已经mark咗啲心水，准备同姊妹们开心share吓。
Cally
荃新天地今年精心准备咗一套两款嘅独家限量版「CitywalkCataholic Wonderland虎年竹福利是封」，分别系「金元宝猫猫魔法师Mika」同「红梅花好奇猫少女Alice」，只要拉内封，Mika和Alice就由精灵大眼变心心眼。只要登记做S+ REWARDS会员，喺1月22号起用60点数换利是封乙套。▲ 
▲屯门市广场同John Ho合作，准备咗「肉肉熊与花花猫甜蜜蜜利是封」同「幸福满满利是套装」，用咗姊妹们最钟意嘅珊瑚粉同樱花粉做主色，小妹见到都少女心泛滥。由1月14号开始，S+ REWARDS会员可以用指定点数换到！ 
▲本地人气插画师蛙姐拍住The ONE，特登设计咗独家限量版一套两款嘅「金运全开利是封」，咁可爱见到都「蛙」一声啊！The ONE Club会员由1月15起完成指定步骤即可换领！ 
▲ 皇室堡同人气插画家文地猫为大家准备咗「喵」年礼遇迎新岁，其中就有盏鬼得嚟又高贵嘅熨金「喵」年利是封，印咗笨薯、文地猫同多爷嘅新春造型，绝对系猫奴必换利是封！WINDSOR CLUB会员喺1月15号开始，当日消费满$500可以免费换到「『喵』年利是封」乙套。 
卡通人物系列 老虎猫仔凑热闹
▲荃湾广场配合嚟近虎年，用迪士尼经典角色跳跳虎做主题，设计一套四款限量版「阖『虎』请请利是封」，希望封利是或者收到嘅人新一年都会虎虎生威。由1月10到31号，The Point会员参加活动就可以换到利是封。 
▲虽然话嚟近系虎年，但系朗豪坊就出猫咪嚟凑热闹，「快乐常『胖』开运礼盒」里面有一套两款嘅利是封（一共12个），上面懒洋洋嘅肥肥猫伸懒腰，感觉好治愈啊！除此之外，裹面有「常满」牌罐罐同红枣桂圆姜黑糖砖同新年限定嘅菊花山楂冰糖砖。由1月7到31号，LP CLUB会员用指定积分可以换到！ 
简约图案有质感 和风系列
▲太古城中心特别推出咗「楽满祝福」一套四款嘅利是封套装，用日式简约精致嘅风格嚟设计传统利是封，现代时尚嘅几何图案组成寓意长寿如意嘅金鱼同云鹤，上面仲用咗烫金凸印同UV反光技术，睇落好有质感！由1月14号起，消费满指定金额，下载TAIKOO+ APP同登记做会员，就可以换到啦。
Cally
最Hit
老字号酒楼时光倒流价！乳鸽/烧鹅濑优惠$19.8 每日茶市供应
2025-11-18 13:01 HKT
金州杀人魔逃亡30年落网 「迷你GG」竟是破案关键 警揭惊人尺寸
2025-11-18 20:35 HKT
更多文章
