Executive日記——名食府小店請人難炒散時薪加至60元
KellyChu
2021-08-20 04:18 HKT
字體大小
疫情穩定番，Kelly多咗同朋友外用食飯，見食肆生意好番，但老闆反而叫苦，因為請人難。「詠藜園」老闆娘楊太同小妹講，舊年唔少食肆倒閉，唔少老師傅被迫轉行做地盤、的士司機等，o依家市道好轉，又有唔少餐廳開番爭請人，感歎請人唔容易，唯有請多啲「炒散」頂住。大角咀隱世小店「良順興」話，好多人約咗見工都甩底，兩個半月先成功請到一個兼職，仲有時薪加到六十蚊先有人做。
詠藜園將以新品牌「千歲擔擔麪」同「蒸益求蒸」喺觀塘裕民坊開新分店。楊太分享，舊年唔少食肆關門，市面「人求工」多，o依家市道暢旺，變成「工求人」。佢話，因有員工流失，o依家比較缺洗碗、執枱及清潔等員工，要請更多「炒散」先可以應付日常營運，兼職員工時薪六十蚊，但舖頭提供更彈性番工時間，因後生仔唔想番太長或者太短時間，所以安排咗「自由更」，預先協商好，甚至可以返兩小時，就晒佢哋。亦有中高檔餐廳老闆話，有後生員工嫌暑假熱，要放熱假，佢都冇辦法，為咗留人，畀佢哋放。
「良順興」負責人話，最近由細舖搬大舖，店面擴大咗，需要更多人手，六月頭上網請人，結果兩個半月先得三個人見工，好多人約咗見工都甩底，前排先成功請咗一個。原本預時薪五十元，但要升到六十元先有人來做。
Kelly Chu
■「良順興」最近店面擴大咗，需要更多人手。
詠藜園將以新品牌「千歲擔擔麪」同「蒸益求蒸」喺觀塘裕民坊開新分店。楊太分享，舊年唔少食肆關門，市面「人求工」多，o依家市道暢旺，變成「工求人」。佢話，因有員工流失，o依家比較缺洗碗、執枱及清潔等員工，要請更多「炒散」先可以應付日常營運，兼職員工時薪六十蚊，但舖頭提供更彈性番工時間，因後生仔唔想番太長或者太短時間，所以安排咗「自由更」，預先協商好，甚至可以返兩小時，就晒佢哋。亦有中高檔餐廳老闆話，有後生員工嫌暑假熱，要放熱假，佢都冇辦法，為咗留人，畀佢哋放。
「良順興」負責人話，最近由細舖搬大舖，店面擴大咗，需要更多人手，六月頭上網請人，結果兩個半月先得三個人見工，好多人約咗見工都甩底，前排先成功請咗一個。原本預時薪五十元，但要升到六十元先有人來做。
Kelly Chu
最Hit
長者咭/樂悠咭點樣分？35+精選優惠 申請方法/文件/兩咭分別/申請教學一文睇清
2026-02-10 11:52 HKT
罐裝蛋卷正確打開方式！餅家教用1物輕鬆開蓋 網民錯重點：教咗點拎第一條先！
2026-02-10 13:37 HKT
最平澳門直通巴路線? ！OK巴士增深圳來往珠海澳門路線 羅湖、福田經深中通道 1.5小時直達拱北口岸
2026-02-10 12:52 HKT
40樓業主難忍等𨋢時間長 聲稱繁忙時間「20分鐘」 寧願賤賣也要離開
2026-02-10 12:40 HKT
更多文章
