Executive日記——霍啟剛暢談港隊衝牌希望 大讚江旻憓好打得又正面
KellyChu
2021-07-22 04:17 HKT
字體大小
東奧明天開鑼，大家都好想追看香港健兒嘅英姿，港協暨奧委會副會長霍啟剛（Kenneth）就大讚佢哋，好似世界重劍排名第一嘅江旻憓（Vivian），早年傷患停賽，但佢利用養傷時間，拎到法律碩士，仲準備攻讀法律博士，咁正面嘅人生，真係好勵志。
Kenneth昨天上「頭條開LIVE」，暢談香港喺東奧嘅衝牌希望。佢形容劍擊好刺激，自己嘅小朋友都有學。佢仲大讚Vivian唔止好打得，仲非常有想法，時刻準備增值自己。疫情下一整年冇比賽，反而令Vivian反思運動員嘅價值，佢早年因傷患而無法參與訓練，但冇浪費時間，讀咗遙距課程，考獲中國人民大學法律碩士，九月準備開展中大法律博士課程，為自己夢想做準備。Kenneth大讚佢生活好正面，值得年輕人學習。
Kenneth又透露，港產體操王子石偉雄（石仔）一直閉關苦練，希望衝擊獎牌。媽媽「石太」作為石仔最堅實嘅後盾，無論喺石仔一六年因傷患止步奧運，定今年成為全港奪獎希望，石太一直陪伴石仔喺體操路上愈戰愈勇。Kenneth話，石仔成功都有賴媽媽無微不至嘅照顧同支持，石仔苦練難度滿分嘅動作，希望可以以獎牌答謝親恩。
想睇吓Kenneth點為港隊健兒打氣，上網重溫「頭條開LIVE-香港健兒 征戰東奧」Kenneth嘅訪問啦！
Kelly Chu
Kenneth昨天上「頭條開LIVE」，暢談香港喺東奧嘅衝牌希望。佢形容劍擊好刺激，自己嘅小朋友都有學。佢仲大讚Vivian唔止好打得，仲非常有想法，時刻準備增值自己。疫情下一整年冇比賽，反而令Vivian反思運動員嘅價值，佢早年因傷患而無法參與訓練，但冇浪費時間，讀咗遙距課程，考獲中國人民大學法律碩士，九月準備開展中大法律博士課程，為自己夢想做準備。Kenneth大讚佢生活好正面，值得年輕人學習。
Kenneth又透露，港產體操王子石偉雄（石仔）一直閉關苦練，希望衝擊獎牌。媽媽「石太」作為石仔最堅實嘅後盾，無論喺石仔一六年因傷患止步奧運，定今年成為全港奪獎希望，石太一直陪伴石仔喺體操路上愈戰愈勇。Kenneth話，石仔成功都有賴媽媽無微不至嘅照顧同支持，石仔苦練難度滿分嘅動作，希望可以以獎牌答謝親恩。
想睇吓Kenneth點為港隊健兒打氣，上網重溫「頭條開LIVE-香港健兒 征戰東奧」Kenneth嘅訪問啦！
Kelly Chu
最Hit
更多文章
