Executive日記——15歲以下唔使打針 暑假可開心公海遊
KellyChu
2021-07-05 04:17 HKT
字體大小
好多人期待嘅公海遊將於七月底啟航，一眾家長仲開心，因為佢哋原先唔清楚十五歲或以下子女打針好定做檢測好，先至上得船，經郵輪公司同商經局溝通，確定咗由七月底至八月底，十五歲或以下隨大人上郵輪可以豁免打針，只做檢測並取得陰性結果就OK。
星夢郵輪朋友話，政府五月二十六日宣佈准許郵輪喺七月低恢復公海遊，好多家長翌日就一家大細報名，當時政府仲未講青少年打針安排，到六月初當局降低打復必泰嘅年齡至十二歲，好多家長就問子女使唔使打針先上得船？仲有六月係考試季節，好多小朋友都唔打針住，令好多家長以為子女唔可以參加公海遊。
由於有好多疑問，郵輪公司就同商經局溝通，終於有新安排，由七月底至八月底十五歲以下人士只做檢測就可以上船，而九月一日起至十月十五日，十二至十五歲打一針先可以上船，到十月十五日以後十二至十五歲人士要打齊兩針及等十四日先上船。
年輕人同小朋友參加公海遊安排定落嚟，大家放心，咁星夢郵輪就推優惠，大人兩個上船（每人一千一百八十八元起），就可以半價再帶兩個小朋友上船，鼓勵一家人開心海上遊。
Kelly Chu
星夢郵輪朋友話，政府五月二十六日宣佈准許郵輪喺七月低恢復公海遊，好多家長翌日就一家大細報名，當時政府仲未講青少年打針安排，到六月初當局降低打復必泰嘅年齡至十二歲，好多家長就問子女使唔使打針先上得船？仲有六月係考試季節，好多小朋友都唔打針住，令好多家長以為子女唔可以參加公海遊。
由於有好多疑問，郵輪公司就同商經局溝通，終於有新安排，由七月底至八月底十五歲以下人士只做檢測就可以上船，而九月一日起至十月十五日，十二至十五歲打一針先可以上船，到十月十五日以後十二至十五歲人士要打齊兩針及等十四日先上船。
年輕人同小朋友參加公海遊安排定落嚟，大家放心，咁星夢郵輪就推優惠，大人兩個上船（每人一千一百八十八元起），就可以半價再帶兩個小朋友上船，鼓勵一家人開心海上遊。
Kelly Chu
最Hit
更多文章
