Executive日記——經典335ml可樂 絕版收藏咪執輸！
KellyChu
2021-05-26 04:17 HKT
字體大小
Kelly鍾意飲樽裝可口可樂。唔講唔知，太古自一九七三年起喺香港生產三三五毫升可口可樂，經歷四十八年，o依家個玻璃樽裝設計，將會同大家告別，換上新一代嘅環保樽裝。好多朋友話，快啲收集呢個即將消逝嘅樽裝汽水，值得紀念之餘，仲有升值潛力。原來，一款喺一九九一年生產嘅玻璃樽裝可口可樂，o依家升值到兩萬蚊啦！
小妹近日收到太古朋友送來一支包裝精美嘅可口可樂，話係喺今年四月二十九日生產嘅告別版三三五毫升玻璃樽裝，每樽都有獨特編號作珍藏紀念。
沙田開廠特別版 叫價兩萬
朋友仲話，可口可樂將會換上新一代玻璃樽設計，引入更多環保元素，可以回收重用之餘，仲包含再生玻璃物料，樽身更輕。
本港舊物收藏家、Select 18店主Mido聽到呢個消息之後，叫小妹好好保存呢個告別版本，因為舊款可口可樂樽一直有價有市，好似太古沙田汽水廠喺一九九一年開廠，當時送咗一個特別版玻璃樽可口可樂畀嘉賓，好多被即時飲咗，留底嘅唔多，好多人搵嚟收藏，o依家市場估值最少兩萬。嘩！真係滴滴係金！
Kelly Chu
■沙田汽水廠一九九一年開廠特別版，o依家市場估值最少兩萬。
小妹近日收到太古朋友送來一支包裝精美嘅可口可樂，話係喺今年四月二十九日生產嘅告別版三三五毫升玻璃樽裝，每樽都有獨特編號作珍藏紀念。
沙田開廠特別版 叫價兩萬
朋友仲話，可口可樂將會換上新一代玻璃樽設計，引入更多環保元素，可以回收重用之餘，仲包含再生玻璃物料，樽身更輕。
本港舊物收藏家、Select 18店主Mido聽到呢個消息之後，叫小妹好好保存呢個告別版本，因為舊款可口可樂樽一直有價有市，好似太古沙田汽水廠喺一九九一年開廠，當時送咗一個特別版玻璃樽可口可樂畀嘉賓，好多被即時飲咗，留底嘅唔多，好多人搵嚟收藏，o依家市場估值最少兩萬。嘩！真係滴滴係金！
Kelly Chu
更多文章
