Executive日記——網上導賞團睇勻土瓜灣趣味 港鐵站出土古井 勢成打卡熱點
KellyChu
2021-05-24 15:10 HKT
字體大小
由港府委託港鐵建造嘅屯馬線，已經起好兼做咗測試，正等港府撳掣幾時通車，估計第三季會成事，到時整個土瓜灣舊區會躍動起嚟，土瓜灣又成為全城嘅焦點。港鐵同「活現香港」預計到大家嘅需要，合辦網上導賞團，喺鐵路開入舊區之時，介紹土瓜灣趣味嘅歷史故事。Kelly噚日跟導賞員去行一圈，知道宋皇臺站入面將會重置一個出土嘅「古井」，預料必成打卡熱點。
港鐵人員話，喺建造宋皇臺站嘅時候，發現到唔少古物，最特別係一個古井，咁特別，當然要好好保存啦，日後會移往宋皇臺站上蓋嘅公園，呢個公園由康文署建造，初步嘅設計，係喺古井加上一個新設計嘅四方框，但更特別嘅係，港鐵站內會有透視嘅天花板，乘客身在站內，抬高頭亦可以看到個古井。有朋友就笑言︰「咁咪可以坐井觀天？」計Kelly話，最緊要唔好做井底之蛙。
屯馬線多個站中，以宋王臺站落於小社區，大街小巷都充斥有趣嘅小故事，逛起來或比鬧市更加精采。如果大家想知多啲，可以報名參加港鐵與「活現香港」合辦嘅網上導賞團，導賞團喺網上以Zoom形式進行，負責「帶隊」嘅主持，會先介紹土瓜灣歷史背景。土瓜灣原來與蕃薯有關，過去土瓜灣附近有小島名為「海心島」，其形狀貌似蕃薯，蕃薯又叫土瓜，讓土瓜灣得以命名，而「海心島」則為現時海心公園附近位置。
除咗歷史故事，導賞團亦有導賞員現場直播，介紹街道特色，好多小店同餐廳都好有特色，小妹要約埋朋友去逛下，挺下街坊小店先。
Kelly Chu
■導賞員話，最特別嘅出土古物，就係一個古井。
港鐵人員話，喺建造宋皇臺站嘅時候，發現到唔少古物，最特別係一個古井，咁特別，當然要好好保存啦，日後會移往宋皇臺站上蓋嘅公園，呢個公園由康文署建造，初步嘅設計，係喺古井加上一個新設計嘅四方框，但更特別嘅係，港鐵站內會有透視嘅天花板，乘客身在站內，抬高頭亦可以看到個古井。有朋友就笑言︰「咁咪可以坐井觀天？」計Kelly話，最緊要唔好做井底之蛙。
屯馬線多個站中，以宋王臺站落於小社區，大街小巷都充斥有趣嘅小故事，逛起來或比鬧市更加精采。如果大家想知多啲，可以報名參加港鐵與「活現香港」合辦嘅網上導賞團，導賞團喺網上以Zoom形式進行，負責「帶隊」嘅主持，會先介紹土瓜灣歷史背景。土瓜灣原來與蕃薯有關，過去土瓜灣附近有小島名為「海心島」，其形狀貌似蕃薯，蕃薯又叫土瓜，讓土瓜灣得以命名，而「海心島」則為現時海心公園附近位置。
除咗歷史故事，導賞團亦有導賞員現場直播，介紹街道特色，好多小店同餐廳都好有特色，小妹要約埋朋友去逛下，挺下街坊小店先。
Kelly Chu
最Hit
前TVB「最強小三」淪為過氣藝人 半年無人問津無戲可拍變月光族 為還債放下身段擺攤
2025-08-13 17:00 HKT
林子祥跟前妻吳正元愛情信物曝光 XX萬Rolex古董神錶傳承後代 林德信憶母珍而重之
2025-08-13 18:30 HKT
更多文章
