企業熱話——綠色大潮創造增長回報
Jacky哥
2021-05-12 04:17 HKT
字體大小
「碳中和」、「碳達峰」近期成為城中熱話，中央政府要達成目標離唔開從能源結構入手，所以市場預料中央會扶持新能源發展亦唔係冇道理，加上「十四五」話預計天然氣使用量會進一步提高，所以從事有關行業嘅公司可以話係「錢」途無限。
早喺1994年北上發展嘅煤氣公司，喺2007年成立港華燃氣（01083.HK），仲以城市燃氣為本業，經過咁多年喺內地發展，佢哋嘅客戶除了一般普羅大眾之外，仲有好多大型工商客戶，發展得可謂有聲有色。近年，港華燃氣仲發展埋環保嘅光伏，同埋分佈式能源系統同國家政策不謀而合。而過去幾年，特別係當外圍經濟受到疫情影響，其售氣量亦依然錄得增長。
喺舊年十月，港華燃氣話會以人民幣47億進軍全國GDP最高嘅上海，相信公司入股上海燃氣唔單止係想拓展業務版圖，買嘅更加係上海燃氣附帶嘅優質配套。上海燃氣本身有碼頭，而上游資源往往係燃氣行業都係可遇不可求，而通過注資，港華燃氣就可以利用碼頭交易天然氣，氣價低嘅時候入多啲貨，長遠仲可以平買貴賣創造效益O添。
上游氣源方面，港華燃氣亦喺河北省唐山市嘅曹妃甸區投資咗液化天然氣接收站，個項目仲有埋大型儲氣設備，公司預計下年第四季度成個項目就會正式投入運作。
港華燃氣喺今年業績公佈之後，近期嘅股價升浪持續。而早前講到上海燃氣嘅交易預計係今年上半年完成，相信不久將來會有好消息傳出。
Jacky哥
早喺1994年北上發展嘅煤氣公司，喺2007年成立港華燃氣（01083.HK），仲以城市燃氣為本業，經過咁多年喺內地發展，佢哋嘅客戶除了一般普羅大眾之外，仲有好多大型工商客戶，發展得可謂有聲有色。近年，港華燃氣仲發展埋環保嘅光伏，同埋分佈式能源系統同國家政策不謀而合。而過去幾年，特別係當外圍經濟受到疫情影響，其售氣量亦依然錄得增長。
喺舊年十月，港華燃氣話會以人民幣47億進軍全國GDP最高嘅上海，相信公司入股上海燃氣唔單止係想拓展業務版圖，買嘅更加係上海燃氣附帶嘅優質配套。上海燃氣本身有碼頭，而上游資源往往係燃氣行業都係可遇不可求，而通過注資，港華燃氣就可以利用碼頭交易天然氣，氣價低嘅時候入多啲貨，長遠仲可以平買貴賣創造效益O添。
上游氣源方面，港華燃氣亦喺河北省唐山市嘅曹妃甸區投資咗液化天然氣接收站，個項目仲有埋大型儲氣設備，公司預計下年第四季度成個項目就會正式投入運作。
港華燃氣喺今年業績公佈之後，近期嘅股價升浪持續。而早前講到上海燃氣嘅交易預計係今年上半年完成，相信不久將來會有好消息傳出。
Jacky哥
更多文章
