Executive日記——旅發局推網上大師班 米芝蓮名廚教煮餸足不出戶享受美食
KellyChu
2020-12-07 04:17 HKT
字體大小
疫情唔知幾時先完，都係多啲留喺屋企好啲。雖然足不出戶，但都有好節目，Kelly昨天參加咗旅發局嘅網上「美食教煮」大師班，跟米芝蓮名廚煮西班牙海鮮飯，一邊煮一邊畀啲香味引到流口水，仲同朋友一齊玩，跟住一齊分享，好有成功感又好開心。
一年一度嘅美酒佳餚巡禮因疫情關係，改喺網上舉行，除咗網上酒展之外，仲有創新嘅網上名廚教煮美食課程，昨天傍晚就由餐廳 La Rambla by Catalunya 嘅行政總廚Ferran Tadeo，教參加者製作西班牙著名美食—海鮮飯，大家先訂購食材套裝，七百元有齊所需食材，包括Arroz（大米）、Sofrito醬、兩隻西班牙紅蝦、三隻八爪魚、三隻大蜆同魚湯，連大平底鑊、木抹刀都包埋，真心抵。
Ferran Tadeo嘅指導好仔細，又好幽默，大家透過網絡發問，有講有笑，好互動好有趣，只要跟足步驟，真係零機會失敗，當飯香冒起，大家開心到跳起。旅發局以網上活動推廣美酒佳餚，真係有心思。
小妹以後可以同朋友講，跟過Ferran學師，而佢受過Ferran、Albert Adrià（el Bulli及Tickets餐廳）與Sergi Arola主廚（Arola餐廳）等米芝蓮星級餐廳嘅名廚指導，咁我咪係米芝蓮名廳嘅徒孫囉。
Kelly Chu
■美味嘅西班牙海鮮飯。
一年一度嘅美酒佳餚巡禮因疫情關係，改喺網上舉行，除咗網上酒展之外，仲有創新嘅網上名廚教煮美食課程，昨天傍晚就由餐廳 La Rambla by Catalunya 嘅行政總廚Ferran Tadeo，教參加者製作西班牙著名美食—海鮮飯，大家先訂購食材套裝，七百元有齊所需食材，包括Arroz（大米）、Sofrito醬、兩隻西班牙紅蝦、三隻八爪魚、三隻大蜆同魚湯，連大平底鑊、木抹刀都包埋，真心抵。
Ferran Tadeo嘅指導好仔細，又好幽默，大家透過網絡發問，有講有笑，好互動好有趣，只要跟足步驟，真係零機會失敗，當飯香冒起，大家開心到跳起。旅發局以網上活動推廣美酒佳餚，真係有心思。
小妹以後可以同朋友講，跟過Ferran學師，而佢受過Ferran、Albert Adrià（el Bulli及Tickets餐廳）與Sergi Arola主廚（Arola餐廳）等米芝蓮星級餐廳嘅名廚指導，咁我咪係米芝蓮名廳嘅徒孫囉。
Kelly Chu
更多文章
