企業熱話——疫下刨書：笑看東瀛
Jacky哥
2020-08-20 04:17 HKT
字體大小
暫時冇得去旅行，睇本書當去咗都係好！但係呢本書唔係介紹旅遊景點，而係深度講解日本，雖則係深度卻是淺出，內容由日本一個個為人所熟悉嘅大品牌，講到日本時事、講到日本人文化、講到日本轉變，一篇篇嘅短文，快讀可以讓人知日本一二，深讀則可以了解日本今日嘅時勢、經濟、政治等層面嘅轉變。可以講得咁透徹，完全因為呢本書係出自一位「日本通」香睿剛嘅手筆。認識作者香睿剛由認識他的父輩香樹輝開始，資深傳媒人香生不但交遊廣濶，說事情更往往一矢中的，而讀大學時主修政治、副修日本文化嘅香睿剛，更係秉承香生嘅思維清晰、冷靜理性嘅性格。稱得上日本通，香睿剛從小便沉迷日本嘅動漫、電玩，曾在英國、日本完成中日關係研究嘅碩士，亦曾得日本文部省獎學金到早稻田大學留日三年，所以他筆下嘅《笑看東瀛2》，有講漫畫《高達》、《男兒當入樽》，有講德川幕府時代儒家學說嘅第一人，有講鹿兒島必到嘅旅遊景點，題材真係好廣闊，不愧係日本通！
Jacky哥
Jacky哥
更多文章
