企业热话——疫下刨书：笑看东瀛
李飞帆
2020-08-20 04:17 HKT
字体大小
暂时冇得去旅行，睇本书当去咗都系好！但系呢本书唔系介绍旅游景点，而系深度讲解日本，虽则系深度却是浅出，内容由日本一个个为人所熟悉嘅大品牌，讲到日本时事、讲到日本人文化、讲到日本转变，一篇篇嘅短文，快读可以让人知日本一二，深读则可以了解日本今日嘅时势、经济、政治等层面嘅转变。可以讲得咁透彻，完全因为呢本书系出自一位「日本通」香睿刚嘅手笔。认识作者香睿刚由认识他的父辈香树辉开始，资深传媒人香生不但交游广濶，说事情更往往一矢中的，而读大学时主修政治、副修日本文化嘅香睿刚，更系秉承香生嘅思维清晰、冷静理性嘅性格。称得上日本通，香睿刚从小便沉迷日本嘅动漫、电玩，曾在英国、日本完成中日关系研究嘅硕士，亦曾得日本文部省奖学金到早稻田大学留日三年，所以他笔下嘅《笑看东瀛2》，有讲漫画《高达》、《男儿当入樽》，有讲德川幕府时代儒家学说嘅第一人，有讲鹿儿岛必到嘅旅游景点，题材真系好广阔，不愧系日本通！
Jacky哥
Jacky哥
更多文章
