Executive日記——迪園大廚炮製創意美食 開胃菜甜蜜橙香衝擊味蕾
KellyChu
2020-01-15 04:17 HKT
字體大小
Kelly山長水遠走入大嶼山，就係想試香港迪士尼樂園酒店大廚胡發祺師傅嘅新菜，佢好似飲食界嘅「伽利略」一樣，四出偵查好食材，閉門鑽研入饌，炮製新美食。就以打開呢一餐嘅開胃菜，出乎意料，竟然以橙汁浸蘿蔔！
胡發祺係迪士尼樂園酒店晶荷軒嘅廚師長，Kelly以往試過佢嘅手藝，非常之喜歡。今次佢約小妹入園，叫我做快樂嘅試菜員。首先上桌嘅係amuse bouche ，以橙汁同酒漬蘿蔔，盈滿香橙嘅甜蜜，帶微微嘅酒香，味蕾都笑了，即刻醒晒，迎接後來嘅多道美食。
Kelly最鍾意嘅，係西班牙大紅蝦兩食，蝦身煮熟加上靚芡汁，肉嫩鮮美，真係無得輸。個大蝦頭就炸香，咬落去脆到有聲，仲嘗到甘香嘅蝦膏。小妹笑笑口咁同胡師傅話，其實係三吃，因為佢仲把蝦膏取出，釀喺米奇頭形狀嘅撻皮之中，靚到唔捨得食落肚。
主食係蠔皇原隻鮑魚炒飯拼雞油豆苖，大大隻炆鮑魚貼上金箔，置於蟹肉炒飯上，賣相誘人，但最有心思嘅係個飯兜，好細心把小南瓜挖空而成，加上兩個紅蘿蔔車輪，每個輪上都有米奇頭標誌，原來大廚要塑造《仙履奇緣》中嘅馬車咁話！呢一餐真係一邊食、一邊回味迪士尼嘅精采漫畫人物，係好味又有趣味嘅一餐。
Kelly Chu
蠔皇原隻鮑魚炒飯拼雞油豆苖 
開胃菜以橙汁同酒漬蘿蔔 
胡發祺係迪士尼樂園酒店晶荷軒嘅廚師長，Kelly以往試過佢嘅手藝，非常之喜歡。今次佢約小妹入園，叫我做快樂嘅試菜員。首先上桌嘅係amuse bouche ，以橙汁同酒漬蘿蔔，盈滿香橙嘅甜蜜，帶微微嘅酒香，味蕾都笑了，即刻醒晒，迎接後來嘅多道美食。
Kelly最鍾意嘅，係西班牙大紅蝦兩食，蝦身煮熟加上靚芡汁，肉嫩鮮美，真係無得輸。個大蝦頭就炸香，咬落去脆到有聲，仲嘗到甘香嘅蝦膏。小妹笑笑口咁同胡師傅話，其實係三吃，因為佢仲把蝦膏取出，釀喺米奇頭形狀嘅撻皮之中，靚到唔捨得食落肚。
主食係蠔皇原隻鮑魚炒飯拼雞油豆苖，大大隻炆鮑魚貼上金箔，置於蟹肉炒飯上，賣相誘人，但最有心思嘅係個飯兜，好細心把小南瓜挖空而成，加上兩個紅蘿蔔車輪，每個輪上都有米奇頭標誌，原來大廚要塑造《仙履奇緣》中嘅馬車咁話！呢一餐真係一邊食、一邊回味迪士尼嘅精采漫畫人物，係好味又有趣味嘅一餐。
Kelly Chu
更多文章
