Executive日記——一樂名物賣過百元 燒鵝髀瀨有價 200蚊未必食到
KellyChu
2018-03-08 04:15 HKT
字體大小
Kelly老友好耐無食燒鵝髀瀨粉，近日去幫襯中環一樂燒鵝，發現O依家來一碗，盛惠過百蚊！小妹了解過，一樂一碗燒鵝髀瀨兩年前已賣緊一百零二蚊，由去年起先加咗幾蚊，升到一百零八蚊，不過唔係最貴，有幾間馳名燒臘店嘅鵝髀瀨一早已經要賣過二百蚊一碗啦！
中環上班族老友日前去中環一樂燒鵝食咗一碗燒鵝髀瀨粉，埋單一百零八蚊，佢大歎O依家食乜都貴。小妹了解過，一三年九月時一樂嘅「馳名脆皮燒鵝髀瀨粉」賣六十九蚊，去到一六年七月加價到一百零二蚊一碗，去年九月再次加價到一百零八蚊。
老友覺得，一樂雖然係米芝蓮評為一星嘅餐廳，但都係一間環境一般嘅茶餐廳，覺得飲食業成本貴，轉嫁畀食客，想歎燒鵝髀都唔係咁容易啦。小妹周圍八吓其他著名燒鵝店嘅燒鵝髀瀨粉嘅售價，鏞記酒家嘅燒鵝髀瀨粉要二百零五蚊一碗，而深井陳記燒鵝海鮮酒家更加賣二百零八蚊！
小妹問過飲食專欄作家梁家權，佢直言「一隻鵝得兩隻髀」，覺得一樂嘅燒鵝髀瀨粉定價算係物有所值。佢又話一樂嘅燒鵝質素屬於中上，更分享佢食時最鍾意叫師傅唔好斬開鵝髀，原隻上，可以保留肉汁。佢覺得鵝髀啖啖肉，又有油香，配瀨粉真係一流！
Kelly Chu
最Hit
暴雨過後就打風？天文台料低壓區下周殺入南海 「功勳」AI模式預測呢日最接近香港
2025-08-06 15:20 HKT
血脂過高 恐成心臟計時炸彈！
2025-08-04 09:00 HKT
張家朗江旻憓現身佩劍一哥何思朗婚禮成焦點 新娘何迪琳巨型流星錘兼龍鳳鈪掛滿頸
2025-08-05 19:50 HKT
更多文章
