Executive日记——一乐名物卖过百元 烧鹅髀濑有价 200蚊未必食到
KellyChu
2018-03-08 04:15 HKT
字体大小
Kelly老友好耐无食烧鹅髀濑粉，近日去帮衬中环一乐烧鹅，发现O依家来一碗，盛惠过百蚊！小妹了解过，一乐一碗烧鹅髀濑两年前已卖紧一百零二蚊，由去年起先加咗几蚊，升到一百零八蚊，不过唔系最贵，有几间驰名烧腊店嘅鹅髀濑一早已经要卖过二百蚊一碗啦！
中环上班族老友日前去中环一乐烧鹅食咗一碗烧鹅髀濑粉，埋单一百零八蚊，佢大叹O依家食乜都贵。小妹了解过，一三年九月时一乐嘅「驰名脆皮烧鹅髀濑粉」卖六十九蚊，去到一六年七月加价到一百零二蚊一碗，去年九月再次加价到一百零八蚊。
老友觉得，一乐虽然系米芝莲评为一星嘅餐厅，但都系一间环境一般嘅茶餐厅，觉得饮食业成本贵，转嫁畀食客，想叹烧鹅髀都唔系咁容易啦。小妹周围八吓其他著名烧鹅店嘅烧鹅髀濑粉嘅售价，镛记酒家嘅烧鹅髀濑粉要二百零五蚊一碗，而深井陈记烧鹅海鲜酒家更加卖二百零八蚊！
小妹问过饮食专栏作家梁家权，佢直言「一只鹅得两只髀」，觉得一乐嘅烧鹅髀濑粉定价算系物有所值。佢又话一乐嘅烧鹅质素属于中上，更分享佢食时最钟意叫师傅唔好斩开鹅髀，原只上，可以保留肉汁。佢觉得鹅髀啖啖肉，又有油香，配濑粉真系一流！
Kelly Chu
最Hit
麦道朗告别战骑十驹
9小時前
76岁「镇台之宝」主角变三线艺员曾被闹戏屎 谈公司陷财困：年年减薪，唔减薪𠮶年就减骚
2025-12-13 14:30 HKT
Do姐早餐叹街坊烧味名店 超专业食足4款刁钻叉烧 网民：我哋去买全部头头尾尾
2025-12-14 13:00 HKT
更多文章
