關志康 - 去完「賽馬會」再去「馬會」 | 神耆商機
關志康
2024-12-30 02:00 HKT
字體大小
筆者早前出席晚宴，席上一位精打細算的長者和大家道別：「聽朝先去『賽馬會』（診所），可能晏少少才去『馬會』（會所）見你哋！」其他朋友打趣道：「你賺晒啦！上晝睇政府醫生，下晝去馬會歎茶、焗桑拿。」那位長者教路：「『賽馬會』第一次預約要打無數次電話先約到，但約覆診就簡單得多，最主要係我得閒，預約咗等下也無妨。私家醫生睇一次動輒千幾蚊，就算約咗咪一樣要等！」
姑勿論這是否濫用公共資源，相信很多人都同意，香港醫療成本相當高，就連有錢人都「肉赤」。即使在政府醫院就診，「通波仔」、癌症用的標靶藥物等部分治療都未必有全額資助。個人醫療保險雖然相關涵蓋廣闊，但亦非萬能；即使在保障範圍內，索償額也有上限。過往有研究指出，4成美國人在確診癌症後，兩年內便會耗盡積蓄，而存活者破產可能性是平常人的3倍。
香港人出名長壽，但長期病患情況同樣驚人。全港需要長期照顧的長者多達約33萬人，佔同齡人口約17%。醫療使費對大多數退休長者來說是一筆沉重負擔。有錢人分享：「遇上危疾，隨時花光半生積蓄，請個私家看護一日都要咗你3000蚊。我有個朋友間大屋，醫療設備配置到成間醫院一樣，日日有醫生上來，你話幾『和味』。」
已故著名現代文學家巴金曾說：「長壽對我並非一件好事，而是一種懲罰。」有位長輩認同稱：「我少時不養生，𠵱家咪要養醫生，做電療、化療都好辛苦。其實每個人都係行嗰條路，無謂嘥錢插針又插喉，苟延殘存。我𠵱家走已經是『笑喪』了，『安樂死』反而可以留返多啲錢俾仔女。因此在睡夢中安詳離世、無痛離開，真是一種福氣。」
健康教育基金會主席
關志康
最Hit
羅湖口岸土法防騙新招！掛大字報踢爆「擦鞋黨」陰招 網民爆料：廣州步行街/萬象天地/港大醫院都見蹤影
2025-04-30 15:23 HKT
《愛·回家》金牌綠葉「老公」揸的士被捕獲 網民爆「喺大館見過佢」 曾任警察為74年寶生銀行械劫案出力
2025-04-30 10:00 HKT
居深圳美國人遊港呻「巔峰期已過」 城市擁擠/服務態度冷漠 惟對1地方讚不絕口：城市中的一片淨土
2025-04-29 17:48 HKT
更多文章
