古星輝 - 5G夜市眾樂樂｜乜都5G
古星輝
2023-09-22 00:00 HKT
字體大小
極端天氣過後，天氣似乎涼快一點，而下星期就已經係中秋節了。上周政府宣布橫跨中秋、聖誕、新年等多個節日，籌辦連串「香港夜繽紛」活動，鼓勵市民於晚上外出消費，振興香港夜經濟及刺激旅遊業。
電訊業與社會發展及市民嘅生活息息相關，香港推動夜經濟，我哋梗係要大力支持！除咗身體力行，夜出消費之餘，公司亦全面配合「香港夜繽紛」活動，為巿集檔主推出高速可靠嘅5G寬頻服務專屬方案，方便佢哋做生意。
5G撐起夜市運作
喺9月底至11月底嘅周末，觀塘、西環及灣仔三個海濱場地都會舉辦夜市，包羅一系列活動如音樂表演、文創活動、小賣攤位及地區特色導賞等。
當中「期間限定」嘅經營模式，一樣需要高速可靠嘅流動通訊服務支援，而快閃攤檔，對靈活有彈性嘅流動通訊服務要求更高。呢個時候，5G正好大派用場！第一是用5G寬頻唔使拉線，即插即用，特別適合短期租戶；第二是戶外場地係5G嘅主場，配合高速穩定嘅5G Wi-Fi，有助商戶提升營運效率，例如方便商戶同客戶喺戶外都可以暢順使用電子支付。
我哋特別為市集商戶打造專屬嘅5G寬頻方案，除咗提供任用5G數據外，更可以因應個別商戶業務嘅需要度身訂制「快閃」方案，等佢哋做多啲生意。
我哋嘅5G寬頻方案，配合特選5G神器（路由器），為檔主提供覆蓋廣、穿透強嘅5G服務，而5G神器又可以隨意放喺場地嘅唔同位置，十分方便。
除咗照顧商戶，我哋亦好照顧個人用戶。特別一提嘅係，我哋嘅網絡團隊喺9月初已經完成西九文化區附近嘅基站擴容工程，大大加強西九一帶4G及5G嘅流動通訊信號，到時大家無論喺西九大草地或海濱長廊野餐或賞月，就可以一邊食月餅，一邊開Live直播、打機、睇片，體驗世界級嘅通訊服務！
和記電訊香港行政總裁
古星輝
更多文章
