古星辉 - 5G夜市众乐乐｜乜都5G
古星辉
2023-09-22 00:00 HKT
字體大小
极端天气过后，天气似乎凉快一点，而下星期就已经系中秋节了。上周政府宣布横跨中秋、圣诞、新年等多个节日，筹办连串「香港夜缤纷」活动，鼓励市民于晚上外出消费，振兴香港夜经济及刺激旅游业。
电讯业与社会发展及市民嘅生活息息相关，香港推动夜经济，我哋梗系要大力支持！除咗身体力行，夜出消费之余，公司亦全面配合「香港夜缤纷」活动，为巿集档主推出高速可靠嘅5G宽频服务专属方案，方便佢哋做生意。
5G撑起夜市运作
喺9月底至11月底嘅周末，观塘、西环及湾仔三个海滨场地都会举办夜市，包罗一系列活动如音乐表演、文创活动、小卖摊位及地区特色导赏等。
当中「期间限定」嘅经营模式，一样需要高速可靠嘅流动通讯服务支援，而快闪摊档，对灵活有弹性嘅流动通讯服务要求更高。呢个时候，5G正好大派用场！第一是用5G宽频唔使拉线，即插即用，特别适合短期租户；第二是户外场地系5G嘅主场，配合高速稳定嘅5G Wi-Fi，有助商户提升营运效率，例如方便商户同客户喺户外都可以畅顺使用电子支付。
我哋特别为市集商户打造专属嘅5G宽频方案，除咗提供任用5G数据外，更可以因应个别商户业务嘅需要度身订制「快闪」方案，等佢哋做多啲生意。
我哋嘅5G宽频方案，配合特选5G神器（路由器），为档主提供覆盖广、穿透强嘅5G服务，而5G神器又可以随意放喺场地嘅唔同位置，十分方便。
除咗照顾商户，我哋亦好照顾个人用户。特别一提嘅系，我哋嘅网络团队喺9月初已经完成西九文化区附近嘅基站扩容工程，大大加强西九一带4G及5G嘅流动通讯信号，到时大家无论喺西九大草地或海滨长廊野餐或赏月，就可以一边食月饼，一边开Live直播、打机、睇片，体验世界级嘅通讯服务！
和记电讯香港行政总裁
古星辉
更多文章
