古星辉 - 带住「5G BB」返工｜乜都5G
古星辉
2023-09-15 00:00 HKT
字體大小
每个行业都有一啲行内人先知嘅用语，电讯业一样有。自从5G宽频服务推出巿场，同事为咗方便，大家都将5G宽频服务（英文5G broadband有两个字母B）简称为「5G BB」，既亲切又易记。
宽频服务简称「BB」
话说要推广及普及5G，需要喺唔同领域深耕细作，我哋公司嘅「5G特别行动组」，一直喺乡郊社区不断努力，近期佢哋嘅最新战线就转咗去梅窝。因为公司最近喺梅窝政府合署加设咗基站，增强流动讯号，无论3G、4G及5G通讯都全部受惠；速度更快，覆盖更广。
5G特别行动组一收到消息，就立即备妥5G BB装备，锁定目标地区，向梅窝商户介绍5G BB服务嘅优势，实地示范如何即插即用，以及即场测试网速，大有惊喜，吸引咗唔少商户登记使用。
其中一位梅窝原居民，喺码头附近开士多，见到喺舖头用5G BB嘅上网速度快，又唔使拉线，于是立即踩单车载埋同事去佢山上嘅屋企测试，发现5G BB一样发挥功用；自此佢每日就带着5G BB路由器返工放工，踩住单车穿梭舖头同屋企。
助社区加速发展
社会一直讨论发展及保育大屿，而梅窝一向系大屿山嘅重要门户，旅游景点众多，不但吸引游客、行山人士，该区亦结聚不少村落、居屋及公共屋邨，有好嘅流动通讯网络，对社区嘅发展十分重要。5G宽频喺偏远地区，特别能发挥强劲功能，只要有好嘅覆盖，配合5G神器（即先进路由器），就可瞬间上网！
好似上述例子，可能你会话有多一个5G BB 路由器咪唔使带嚟带去，但士多老板话觉得咁样好抵用，因为免拉线、免安装，一个路由器可以放喺几个地方使用，真系「无得输」。
有时听人话啲路由器外形似水桶，查实o依家啲5G神器设计简约，又可以同时支援唔同频谱，如果喺外形再花点心思，将佢变成家居或舖头嘅精美摆设，5G宽频业务应可再上一层楼。
和记电讯香港行政总裁
古星辉
更多文章
