古星輝 - 邁向5G智慧物管｜乜都5G
古星輝
2023-06-30 00:00 HKT
字體大小
社會近期熱切討論有關輸入外勞嘅安排，其中物業管理行業嘅保安及清潔職位極難請人。聽講出到好高人工都請唔到人「踢十二碼」（物管術語：連續工作12小時一更），就算請到人都好快轉工，市場求才若渴。
其實喺疫情期間，因為要減少人與人嘅接觸，巿場已紛紛引入機械人幫手營運。好似喺購物商場就有服務大使機械人，食肆有送餐機械人，超市有清潔同消毒機械人等。機械人所帶來嘅工作效益，漸為業界所認同，巿場更預期環球機械人嘅市場規模於2027年將超過433億美元。
成日都話，今時今日嘅電訊商已經不限於提供流動通訊服務，我哋係一個「enabler」，一個喺5G世代促進各行各業數碼轉型嘅數碼營辦商。因此，當物業管理日益走向智能化，我哋梗係幫到手。
戶外巡邏機械人將登場
最近，公司就幫一個超豪屋苑，重金禮聘咗刻苦耐勞、任勞任怨嘅「外勞」，專責屋苑嘅巡邏工作；返日更又得，夜更都得，隨公司安排！佢就係物管業嘅新晉戶外巡邏機械人！
呢位「專才」無論咩天氣或環境，都可以正常執勤。巡邏路線由專人預先設定，可以遊花園、行停車場或巡邏特定設施。
機械人身上預設咗人工智能視像監控系統，配備可360度攝錄嘅鏡頭，如果喺巡邏時遇到突如其來嘅情況，例如有人或動物誤闖屋苑禁區，就會發出警報，並立即攝錄及將影像傳送比控制室及當值同事；機械人可以用Wi-Fi連線，咁用超高速、低時延嘅5G當然更加配合物管智能化嘅趨勢。呢位「專才」仲有一大優點，佢唔使放假，可以連續24小時定時巡邏，同埋自己返去叉電位叉電，唔會偷懶。聽聞佢仲好少病，如果有乜頭暈身㷫，香港嘅代理仲可以隨傳隨到幫手維修。
戶外巡邏機械人預計下個月正式返工，目前佢正喺原產地受訓，由技術人員進行各種精密配置，希望好快喺香港見到佢。
和記電訊香港執行董事及行政總裁
古星輝
其實喺疫情期間，因為要減少人與人嘅接觸，巿場已紛紛引入機械人幫手營運。好似喺購物商場就有服務大使機械人，食肆有送餐機械人，超市有清潔同消毒機械人等。機械人所帶來嘅工作效益，漸為業界所認同，巿場更預期環球機械人嘅市場規模於2027年將超過433億美元。
成日都話，今時今日嘅電訊商已經不限於提供流動通訊服務，我哋係一個「enabler」，一個喺5G世代促進各行各業數碼轉型嘅數碼營辦商。因此，當物業管理日益走向智能化，我哋梗係幫到手。
戶外巡邏機械人將登場
最近，公司就幫一個超豪屋苑，重金禮聘咗刻苦耐勞、任勞任怨嘅「外勞」，專責屋苑嘅巡邏工作；返日更又得，夜更都得，隨公司安排！佢就係物管業嘅新晉戶外巡邏機械人！
呢位「專才」無論咩天氣或環境，都可以正常執勤。巡邏路線由專人預先設定，可以遊花園、行停車場或巡邏特定設施。
機械人身上預設咗人工智能視像監控系統，配備可360度攝錄嘅鏡頭，如果喺巡邏時遇到突如其來嘅情況，例如有人或動物誤闖屋苑禁區，就會發出警報，並立即攝錄及將影像傳送比控制室及當值同事；機械人可以用Wi-Fi連線，咁用超高速、低時延嘅5G當然更加配合物管智能化嘅趨勢。呢位「專才」仲有一大優點，佢唔使放假，可以連續24小時定時巡邏，同埋自己返去叉電位叉電，唔會偷懶。聽聞佢仲好少病，如果有乜頭暈身㷫，香港嘅代理仲可以隨傳隨到幫手維修。
戶外巡邏機械人預計下個月正式返工，目前佢正喺原產地受訓，由技術人員進行各種精密配置，希望好快喺香港見到佢。
和記電訊香港執行董事及行政總裁
古星輝
最Hit
更多文章
