頭條戲場 - 《血謎拼圖》金多美×孫錫求 燒腦 | 頭條戲場
頭條戲場
2025-05-21 02:00 HKT
字體大小
今期煲懸疑查案韓劇，《血謎拼圖》有「大叔男神」孫錫求做揦鮓刑警，聯同「怪物新人」金多美演嘅心理側寫師，一同調查連環殺人案，導演是「犯罪大師」尹鍾彬執導，睇牌面，唔伏。該劇於5月21日Disney+上架1~6集（共11集）。撰文︰華朗
筆者自《梨泰院Class》迷上金多美，當時她是第一次拍電視劇做主角，角色帶有反社會人格又高智商，那種「道德界線模糊」的表現充滿吸引力，收服咗我，同年奪百想大賞「電視部女新人演技獎」，演技被譽為「怪物新人」。4年後再拍劇（中間嗰段時間拍電影，冇咩noise），《血謎拼圖》一開始，金多美目睹自己阿叔殺人，噴晒血，她成為唯一目擊者、嫌疑人……10年後做咗犯罪心理分析師，擁有敏銳直覺與觀察力，能在最快的時間內掌握犯人殺人動機。
孫錫求是「爹感十足」的重案組刑警，固執又疑心重，過去就係佢懷疑金多美殺人。兩人合作，男人食鹽多過你食米，當然係指指點點，而金多美恃住係專業人士，又點會聽你支笛？兩種價值觀碰撞，互相傷害，火花可期。該劇導演是「犯罪大師」尹鍾彬，知名作有河正宇、黃晸珉主演的Netflix犯罪劇《毒梟聖徒》，他擅長描繪複雜人性與緊繃局勢，是近年頒獎禮常客。《血謎拼圖》仲有星級演員陣容︰池珍熙、朴圭瑛、李星民等客串，製作費達到港幣1.5億左右，即係嗰啲花式死狀，兇手留下大量fake人線索同埋電影感敘事氛圍是「基本盤」。該劇共有11集，5月21日Disney+上架1~6集，28日上架7~9集，6月4日上架結局篇10~11集。
頭條戲場
我想睇花式死狀呀！
首輪劇照就冇咩驚喜。
導演尹鍾彬（中）近年人氣高。
孫錫求近作有浪漫喜劇《比天堂還美麗》。
終於等到金多美再拍劇。
《血謎拼圖》其中一款宣傳海報，好有feel呀！
最Hit
繁忙時間港鐵車廂必現「集體行為」！？車長開咪仍無效阻止 網民怒批：可唔可以俾返少少公德心
2025-11-11 09:00 HKT
地域強者 全球挑戰 首個獲「M」品牌認可電競賽事BLAST Premier Rivals 8支參賽戰隊揭曉
2025-11-12 00:00 HKT
沙田馬場拉頭馬遭罕見亂入！「Pink衣女」強攝C位 馬主「電子大王」王華湘孫求P圖 引爆全城P圖大戰｜Juicy叮
2025-11-12 11:04 HKT
觀塘夜市開鑼！一連17日免費入場 設30美食攤位 台灣夜市攤販參展 必試鐵板魷魚/大腸包小腸（附地址/開放時間）
2025-11-11 15:28 HKT
健康PRO｜成人奶粉變健康陷阱 專家教你點揀真健康奶粉
2025-11-11 16:42 HKT
更多文章
