頭條戲場 - 《黑的教育》 睇人PK最開心｜頭條戲場
頭條戲場
2023-10-06 00:00
字體大小
3位高中畢業生喺天台飲住酒吹水，有人提出秘密交換，一個喪一個癲一個超驚青，然後越玩越大，對於一啲小錯變成大錯嘅惡作劇有種情意結，睇人PK最開心。當日睇早場嘅我好眼瞓，但越睇越精神，開首30分鐘最震撼，全片零冷場，真實邪惡又黑暗，最鍾意片長只有77分鐘，特別讚好柯震東講故事能力超強，全片分3章節，清楚易明，作為處男執導，我畀80分。（上映中） 撰文：廖思慧
電影《黑的教育》講嘅係人性黑暗教育，好人壞人，首先都要學識點做人，電影話畀你知，識到壞朋友對人生的毀滅性可以有幾大？戲中分「猴子」、「好人」及「壞人」3章，前段編排在情理之內又有心思，一開始已達到黑暗之極致，睇到咬牙切齒，佩服編劇九把刀之餘，柯震東真係唔似第一次做導演，你以為只係一般校園青春片？錯了。
衰格高中生闖大禍
3位高中生分別由蔡凡熙飾演王鴻全、朱軒洋飾演張博偉及宋柏緯飾演韓吉，3人完美演繹爾虞我詐及背叛，當中最乞人憎是張博偉，有佢講冇人講，鍾意欺凌人又長期玩情緒勒索，呢啲人周圍都有，當事人演到自己都覺得好討厭，所以捧走金馬獎最佳男配角。
電影前段寫實又黑暗，劇情發展毫無冷場，雖然香港評定為三級，但血腥程度其實唔太高，亦冇打打殺殺到血肉橫飛，反而心靈折磨先最令人坐立不安。角色動機有啲奇怪，但後生仔諗嘢估佢唔到，以為玩下啫，點之玩出個十號風球程度嘅災難，全片緊湊又有張力，仲有時間引你笑，配樂亦好出色，主題曲搵嚟落日飛車搭鳳小岳共同創作，同電影夾到爆炸，香港上映一周但已冇乜戲院有得睇，戥柯震東有啲唔抵。
最Hit
東張西望丨網上瘋傳何太三大背景！疑三度結婚 傳避走內地狂呻被抹黑
2024-05-08 23:00
北角餐廳貼告示八達通付款要收手續費 $70以上加收1.5%！ 網民：違反八達通使用守則
2024-05-08 19:15
更多文章
