【阿碌開咪】領導高人講「高話」
《名家合集》收錄名人文章，分享觀點，探討時事。
2020-12-23 10:40 HKT
字體大小
每個國家，都有其獨特文化及傳統，不會隨時代或科技而轉變。
舉例，由毛澤東開始至今，中國所有領導人講話時，一眾文武百官，皆會用筆抄呀抄。
以今天的科技發展，去到5G，但聽領導人講話，從不見任何幹部用手機或iPad作記錄。個個似小學生般，用紙筆抄呀抄。點解唔變？你話呢？
試過前特首曾蔭權帶成隊官上京見領導人，以「煲呔」的香港醒目仔性格，當然晒「前衞」，除照例西裝煲呔（你見過京官如此穿着未？）外，更打破傳統，唔用紙筆，改用iPad記錄。結果……一定有人點醒佢咪再咁搞，後來乖乖用回簿仔加支筆。
中國領導人訓話，齋講，你抄，冇PowerPoint，更不會解釋，講咗咁就咁，所以，大家一定要懂得「解籤」。因「高人」講「高話」，你唔明就弊。內地官場有自己的「官話解讀」，故大家對領導人所講心領神會。但港官及港人又如何？肯定一嚿雲！
舉例，上周《星島日報》頭條報道習近平訓話：中央定調反壟斷、金融創新須監管。以上兩句，易明。總之揸咗內地龍頭科技、金融及創新股者，自己執生！
但去到內容就要「靠估」矣。尤其習主席幾個指示，小弟睇完，個個字識，但無法明解：
一、實施核心技術攻關工程，搞出更多獨門絕技。
二、推動煤炭消費盡早達峰！
三、積極財政政策及穩健貨幣政策不急轉彎。
以上個個字我都識，但拼埋就……
幸而老友「債券K」與內地高幹交手多年，對「京話」有一定掌握，由佢「解籤」可也。三點拆解如下：
一、唔好依靠美帝科技，自己搞，仲要叻過佢！
二、唔好靠澳洲供煤，中澳正在鍊緊，所以要火速搵其他地方的煤及自己掘深啲、挖多啲！
三、放多點人民幣出來搞好民生，以防社會動亂，但又不可大水漫灌造成壞帳如山，更忌企業借錢搞大槓桿！
中唔中呢？唔知喎！
曾智華
阿碌開咪
資料圖片
最Hit
全港「最有誠意」屋苑？萬聖節自設鬼屋/機動遊戲 網民激讚管理費無白交：商場都冇咁好玩
2025-10-28 19:03 HKT
創先河？屯門公屋明文禁保安為住戶提供開門服務 通告解釋原因掀熱議｜Juicy叮
2025-10-28 16:30 HKT
情人節約會誤飲「清潔劑雞尾酒」 灼穿食道身亡
14小時前
更多文章
