【阿碌开咪】领导高人讲「高话」
《名家合集》收录名人文章，分享观点，探讨时事。
2020-12-23 10:40 HKT
字体大小
每个国家，都有其独特文化及传统，不会随时代或科技而转变。
举例，由毛泽东开始至今，中国所有领导人讲话时，一众文武百官，皆会用笔抄呀抄。
以今天的科技发展，去到5G，但听领导人讲话，从不见任何干部用手机或iPad作记录。个个似小学生般，用纸笔抄呀抄。点解唔变？你话呢？
试过前特首曾荫权带成队官上京见领导人，以「煲呔」的香港醒目仔性格，当然晒「前衞」，除照例西装煲呔（你见过京官如此穿着未？）外，更打破传统，唔用纸笔，改用iPad记录。结果……一定有人点醒佢咪再咁搞，后来乖乖用回簿仔加支笔。
中国领导人训话，斋讲，你抄，冇PowerPoint，更不会解释，讲咗咁就咁，所以，大家一定要懂得「解签」。因「高人」讲「高话」，你唔明就弊。内地官场有自己的「官话解读」，故大家对领导人所讲心领神会。但港官及港人又如何？肯定一嚿云！
举例，上周《星岛日报》头条报道习近平训话：中央定调反垄断、金融创新须监管。以上两句，易明。总之揸咗内地龙头科技、金融及创新股者，自己执生！
但去到内容就要「靠估」矣。尤其习主席几个指示，小弟睇完，个个字识，但无法明解：
一、实施核心技术攻关工程，搞出更多独门绝技。
二、推动煤炭消费尽早达峰！
三、积极财政政策及稳健货币政策不急转弯。
以上个个字我都识，但拼埋就……
幸而老友「债券K」与内地高干交手多年，对「京话」有一定掌握，由佢「解签」可也。三点拆解如下：
一、唔好依靠美帝科技，自己搞，仲要叻过佢！
二、唔好靠澳洲供煤，中澳正在炼紧，所以要火速揾其他地方的煤及自己掘深啲、挖多啲！
三、放多点人民币出来搞好民生，以防社会动乱，但又不可大水漫灌造成坏帐如山，更忌企业借钱搞大杠杆！
中唔中呢？唔知㖞！
曾智华
阿碌开咪
资料图片
更多文章
