【阿碌開咪】海洋公園失血慘況
《名家合集》收錄名人文章，分享觀點，探討時事。
2020-12-22 11:56 HKT
字體大小
人有多種，個別真係好低端，冇品兼冇道德。呢類人，專講負面說話，例如：「阿公錢，話之佢死啦！」
以前做政府工，也聽過公務員同事講呢類無格說話，小弟一聽已想「兜巴星過去」（想啫，當然唔會做）。對呢種壞分子，非常藐視。一般人對自己的錢睇到大過天，但對阿公的錢，則毫無珍惜之心。
上周打開報章，大字標題：《海洋公園止蝕假象》。內容指出，核數師德勤罕有發表聲明：「政府補貼三十一億難持續」。其實唔使擁有精明眼光或精明頭腦，有些微營商ABC知識者，必知海洋公園是個黑洞。三大問題：一、欠下天文數字債項；二、營運費用高得嚇人；三、前景迷糊，入場人數慘淡。
本來若由一支超班能力的管理團隊坐鎮，尚可能挽回少少劣勢。但……慘，又冇！於是納稅人就只可眼白白睇住呢隻「大白象」無止境地失血下去。香港市民就位位要負責日日「輸血」，天長地久冇時盡，唔知輸到幾時。
今年五月政府注資五十四億元救亡，不過，僅可償還部分貸款及應付一年開支，之後又要大量輸血！
喂喂，你估政府識印銀紙乎？現今乜時勢？政府根本無良方處理海洋公園。最近《施政報告》更搞笑，竟然話接收隻爛船「珍寶號」，希望有協同效應，吸引遊客，真係笑爆香港班精明生意人的嘴。
其實我睇，海洋公園如今只有三條出路！
一、手起刀落，長痛不如短痛。若冇一個可以維生方案，就應當機立斷「拔喉」，執咗佢。幅巨大地皮，再考慮點用來增加政府儲備。
二、公開投標，看看可有財團願接手，引入全新營運思維，如今管理團隊全部撤退，畀接手者再開新的一頁。
三、將海洋公園規模縮細，只維持生態教育部分，海邊超靚地皮全拍賣，收益指定用在「供養」非牟利具教育用途的公園。
若乜都唔做，好快會因失血而失救。你咪話我知——阿公錢，話之佢！
曾智華
阿碌開咪
資料圖片
最Hit
旺角襟江酒家｜顏氏蓮香樓後人無懼結業潮 投資700萬家樂坊開7千呎懷舊酒樓 推車仔點心$25起
2025-08-22 18:59 HKT
灣仔靚裝茶居結業！60至80年代港式裝潢+手作點心 開業3年僅剩台北分店 透露3大原因：有心也無力支撐
2025-08-22 16:07 HKT
《勁歌金曲》元祖級主持罕現身 轉行做律師多次為明星打官司 極關心李龍基未婚妻案情
2025-08-21 20:30 HKT
更多文章
