【阿碌開咪】徵求黃飛鴻/石堅
《名家合集》收錄名人文章，分享觀點，探討時事。
2020-11-13 08:46 HKT
字體大小
天要下雨娘要嫁，要發生的事總會發生！一於擁抱變化吧，因大家還是要活下去，激心無謂，間中抽離一下，做個旁觀者，可能發覺如今香港上演「議會戲」，也相當具「娛樂性」及「懸疑性」呢。
小弟乃影癡，看過無數電影，曾學下人寫劇本，所以，有啲ABC元素也會掌握，以求收戲劇效果。一套戲要吸引觀眾追看，就要先有矛盾，切忌由頭到尾「一國一制」咁鬼和諧。
早年黃飛鴻電影，近年占士邦電影，為乜可以一套一套咁拍下去？正因關德興大戰石堅，次次不同「橋段」，但永遠是奸人衰收尾，大快人心。事實真實生活中，並不一定如此，只是人人心底都希望「真理必勝，正義長存」，所以，走入戲院滿足一下內心願望。
占士邦也如是，編劇次次搞出個乜乜邪惡黨，畀風流倜儻的007表演，穿插美景美女間，令人目不暇給。結尾一定忠人得勝，壞人瓜清，個個笑騎騎離場。
回到真實生活，罪惡世界，大致上正邪黑白非常分明，但踏上政治舞台又如何？你明我明，根本個個都話自己忠、對手奸，你睇美國總統選舉就知，政治人物亂噏，「信一成，變失明」！好啦，既然冇乜忠奸，咁就只有對頭了。
香港的政治舞台，其實「幾好玩」。就小弟親身見證，九七前後，議會之內，正反互調角色。大家食得鹹魚抵得渴，應無怨無悔。
九七前，親北京議員真係處處畀人封殺，一律抹黑為奸人，加上不在權力核心，鋪鋪捱打。好嘞，捱下捱下，捱過九七，立時變「主角」，要權有權，要資源有資源。
當年港英政府高官？也紛紛打倒昨日的我，價值觀念大挪移，當戲咁睇，幾過癮㗎。
劇情發展至今，反對派唔玩喇，咁，跟住邊個扮「黃飛鴻」、邊個扮「石堅」，邊個有責任令「一國兩制」觀感上存在呢？嘩！大量角色打鑼搵演員啊！怕冇人做？你同我定！The Show一定Go On！
曾智華
阿碌開咪
4名民主派議員被DQ，泛民全體總辭。資料圖片
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
西貢區議員發現將軍澳居民「小福利」？深夜搭港鐵仍有列車服務 街坊網民解構出於1原因
2026-04-04 11:00 HKT
專欄 體壇雜論｜重召樊振東逼在眉睫
9小時前
更多文章
