【樂●活】懶人飯聚首選
最怕就是要負責諗去邊度開餐，特別是多人飯聚，人人口味、喜好唔同，好多時都會建議食自助餐，實行各適其適。最近，就Mark低了兩間酒店的自助餐排隊試。
可以邊食邊傾邊睇海景的汀蘭居附設餐廳Bay's Kitchen & Bar，重推海鮮生蠔自助餐，除繼續有75折優惠之外，只要Like & Share餐廳Facebook專頁仲可以享額外5% 折扣，而星期日的自助午餐更有買一送一優惠。
※自助午餐：（星期三至四）成人$498、小童$274；（星期日）買一送一
※自助晚餐：（星期三至四）成人$438、小童$219；（星期五至日、公眾假期及前夕）成人$498；小童$274
就快到父親節，自助餐都不失為一個好選擇，但好多時自助餐在特別日子不是加價，就是任何優惠都不能用。Bay's Kitchen & Bar不但75折優惠繼續生效，更於6月20及21日推出的父親節限定「蟹宴」，大家可以一次過嚐盡登格拉斯蟹、北海道毛蟹、鱈場蟹腳、酥炸軟殼蟹等。
※父親節自助蟹宴（6月20及21日）：成人$498、小童$274
如果嫌汀蘭居較吊腳，想行完街就可以即刻開餐，可以留意尖沙咀馬哥孛羅咖啡廳。由即日起至6月30日，咖啡廳會在自助晚餐時段推出蟹皇佳餚，包括多款以冰鎮阿拉斯加帝皇蟹腳和鮮蟹炮製而成的前菜及熱葷，更有阿拉斯加帝皇蟹、麵包蟹及長腳蟹無限量供應。
※自助晚餐：（星期一至五）成人$578、小童$338、長者$528；（星期六、日、公眾假期及前夕）成人$638；小童$378、長者$578
於周末及公眾假期推出的甜蜜盛「燕」周末下午茶，就有一系列甜蜜滋潤的養顏甜點，包括燕窩生果壽司、綠茶桂花果凍配燕窩、意大利乳清芝士蛋糕配西柚燕窩等，為大家帶來一個甜蜜寫意的周末。
※下午茶自助餐（星期六、日及公眾假期）：成人$298、小童$198、長者$248
作者：Laurie Wu（愛保健愛旅遊愛購物的熟女）
