■超儀與丈夫陳子聰投資開拍的電影，未上映已入圍歐美兩大電影節競賽部份，可喜可賀。

二千萬開拍《維多利亞壹號》借血腥控訴社會何超儀：為買樓無餐好食

頭條日報-娛樂

更新時間：23:19 2015-06-17 HKT
發佈時間：00:00 2010-05-03 HKT

      由何超儀（Josie）與陳子聰開設的「852電影公司」，其投資2千萬的開業作《維多利亞壹號》將於5月13日在香港公映。電影由彭浩翔執導，Joise任監製兼飾演兇殘女殺手，電影上映前已入圍歐美兩大電影節競賽部份，更成為意大利烏甸尼斯遠東電影節的開幕影片，為Josie注下一支強心針。電影以暴力血腥為包裝，但終極要傳遞的訊息是香港的瘋狂樓價令小市民崩潰的故事。「窮OL因樓價升到癲而買唔起樓，最後因壓力爆煲搞到要殺晒阻佢買樓嘅人，放血肢解乜都做齊，希望電影能夠令人反思。」主持：黃柏高統籌：林永匡協力：廖思慧、袁東亮
      《維多利亞壹號》由開拍之初已開宗明義以三級掛帥，劇本主人翁彭浩翔最初屬意電影由麥浚龍（Juno）主演，但最後成為「852電影公司」的創業作，而Juno則變成戲中一個被殘殺的可憐警察，提起此搶劇本行為，Josie便已忍不住大笑起來。
      「有一日Juno同我講，話有一個人寫咗一個好得意嘅古仔，約我哋一齊出嚟傾，我一睇個劇本已會心微笑，愈睇就愈覺得正，因為戲中人同自己一樣咁衰，所以好想做戲中嘅屠夫。不過，彭浩翔話只得一個屠夫位，咁Juno見係我哋嘅開業作，就讓畀我演。其實Juno真係好有義氣，佢演嘅警察角色基本上只係用嚟俾我殺，戲份唔多又要玩血，但佢都肯演，證明佢真係無怪我，所以我都拍得好安心。」
      花半身積蓄置業
      《維多利亞壹號》是一幢大廈的名字，究竟一幢大廈跟暴力血腥何以連上關係？飾演變態女殺手的Josie又怎樣去投入角色？
      「戲中嘅女主角係一個失意人，佢有一個夢想，就係買一層樓，但以佢嘅收入根本無可能買到，佢渴望買樓已進入瘋狂同入魔狀態，之後嗰層樓因曾發生多宗謀殺案而變成凶宅，價錢平咗，佢終於夠錢買。雖然我無佢呢個煩惱，但身邊有好多朋友都有相同經歷，好似有一個朋友，佢有7萬蚊人工，但為咗供一層好靚嘅樓，佢無一餐食得好，我感受好深，為買一個單位，將大半生嘅積蓄、光陰、事業同夢想都押上去，值得咩？因為睇唔過眼加上拍攝前對角色已好了解，所以一埋位我就入晒戲。講真喺香港買樓真係好唔公平，點解香港人要買樓咁難？點解要畀地產商玩晒？」
      這個導演非常癲
      彭浩翔絕對是現今風格最多樣化的本土導演，由《大丈夫》至《伊莎貝拉》再到《出埃及記》，全部作品均敢於嘗試新題材，問到對這位首度合作的導演有何評價，何超儀只吐出了二個字：「好癲。」
       「我同佢無合作過，所以一啲都唔熟，佢好嚴謹，一粒字嘅對白都唔錯得，因為劇本出自佢，佢又係一個文人，佢容忍唔到有人講錯佢嘅文法，真係好癲，佢覺得演員用咗自己方式去講對白，就已經唔係戲入面嘅人。佢係好主觀，處女座嘛，但佢為咗令我更投入角色做咗好多嘢，好似女主角係做電話傳銷，每日做8個鐘，分分秒秒都畀人鬧，拍嗰日，導演就聲演一個好粗口嘅客，佢不斷鬧我，鬧到我都火，但對我投入角色好有幫助。」
      Paco 何超儀