■超仪与丈夫陈子聪投资开拍的电影，未上映已入围欧美两大电影节竞赛部份，可喜可贺。

二千万开拍《维多利亚壹号》借血腥控诉社会何超仪：为买楼无餐好食

头条日报-娱乐

更新时间：23:19 2015-06-17 HKT
发布时间：00:00 2010-05-03 HKT

      由何超仪（Josie）与陈子聪开设的「852电影公司」，其投资2千万的开业作《维多利亚壹号》将于5月13日在香港公映。电影由彭浩翔执导，Joise任监制兼饰演凶残女杀手，电影上映前已入围欧美两大电影节竞赛部份，更成为意大利乌甸尼斯远东电影节的开幕影片，为Josie注下一支强心针。电影以暴力血腥为包装，但终极要传递的讯息是香港的疯狂楼价令小市民崩溃的故事。「穷OL因楼价升到癫而买唔起楼，最后因压力爆煲搞到要杀晒阻佢买楼嘅人，放血肢解乜都做齐，希望电影能够令人反思。」主持：黄柏高统筹：林永匡协力：廖思慧、袁东亮
      《维多利亚壹号》由开拍之初已开宗明义以三级挂帅，剧本主人翁彭浩翔最初属意电影由麦浚龙（Juno）主演，但最后成为「852电影公司」的创业作，而Juno则变成戏中一个被残杀的可怜警察，提起此抢剧本行为，Josie便已忍不住大笑起来。
      「有一日Juno同我讲，话有一个人写咗一个好得意嘅古仔，约我哋一齐出嚟倾，我一睇个剧本已会心微笑，愈睇就愈觉得正，因为戏中人同自己一样咁衰，所以好想做戏中嘅屠夫。不过，彭浩翔话只得一个屠夫位，咁Juno见系我哋嘅开业作，就让畀我演。其实Juno真系好有义气，佢演嘅警察角色基本上只系用嚟俾我杀，戏份唔多又要玩血，但佢都肯演，证明佢真系无怪我，所以我都拍得好安心。」
      花半身积蓄置业
      《维多利亚壹号》是一幢大厦的名字，究竟一幢大厦跟暴力血腥何以连上关系？饰演变态女杀手的Josie又怎样去投入角色？
      「戏中嘅女主角系一个失意人，佢有一个梦想，就系买一层楼，但以佢嘅收入根本无可能买到，佢渴望买楼已进入疯狂同入魔状态，之后𠮶层楼因曾发生多宗谋杀案而变成凶宅，价钱平咗，佢终于够钱买。虽然我无佢呢个烦恼，但身边有好多朋友都有相同经历，好似有一个朋友，佢有7万蚊人工，但为咗供一层好靓嘅楼，佢无一餐食得好，我感受好深，为买一个单位，将大半生嘅积蓄、光阴、事业同梦想都押上去，值得咩？因为睇唔过眼加上拍摄前对角色已好了解，所以一埋位我就入晒戏。讲真喺香港买楼真系好唔公平，点解香港人要买楼咁难？点解要畀地产商玩晒？」
      这个导演非常癫
      彭浩翔绝对是现今风格最多样化的本土导演，由《大丈夫》至《伊莎贝拉》再到《出埃及记》，全部作品均敢于尝试新题材，问到对这位首度合作的导演有何评价，何超仪只吐出了二个字：「好癫。」
       「我同佢无合作过，所以一啲都唔熟，佢好严谨，一粒字嘅对白都唔错得，因为剧本出自佢，佢又系一个文人，佢容忍唔到有人讲错佢嘅文法，真系好癫，佢觉得演员用咗自己方式去讲对白，就已经唔系戏入面嘅人。佢系好主观，处女座嘛，但佢为咗令我更投入角色做咗好多嘢，好似女主角系做电话传销，每日做8个钟，分分秒秒都畀人闹，拍𠮶日，导演就声演一个好粗口嘅客，佢不断闹我，闹到我都火，但对我投入角色好有帮助。」
      Paco 何超仪