郭晉安唔好阻我搵真命天子
更新時間：03:00 2025-05-24 HKT
發佈時間：03:00 2025-05-24 HKT
發佈時間：03:00 2025-05-24 HKT
字體大小
郭晉安早前被指私下約年齡相差37歲的前港姐冠軍莊子璇打網球，隨即傳出「父女戀」，事後莊子璇否認緋聞，同時指愛情沒分年齡及性別。安仔昨日出席慈善網球賽，異口同聲指愛情沒分年齡界限，但發生了才答，叫大家勿亂講，阻住搵真命天子。
昨日安仔被追問與莊子璇傳父女戀，他即叫大家勿亂講：「唔好阻住我搵真命天子。（有對象？）未囉，傳吓傳吓冇人埋嚟，假㗎！唔好亂信！」至於能否接受與莊子璇同齡的女仔？安仔則謂：「坦白講，愛情冇分年齡界限，發生咗先答你，我都唔知。」
安仔表示最近較少約女仔去食飯，至於有否女仔約他，他也說：「冇乜，我爭取唔到，把握唔到，我係I人。（變E人？）努力嘗試緊，現今社會環境兩樣都需要有。」他表示對擇偶條件沒要求，最好有共同嗜好。至於會否介意被指父女戀？安仔笑說：「我都話姻緣嘅嘢唔知，發生咗我先答你。唔係真唔好講，唔好影響到人。」至於緋聞是否宣傳劇集《金式森林》？安仔則指未知劇集何時出街。
朱敏瀚生日拒提陳曉華
昨日同場還有朱敏瀚（朱仔）、蔡潔、鄧智堅及孔德賢等，朱仔表示學網球大約兩年，亦有做關於網球的生意，問到有否跟緋聞女友陳曉華一起打波？他直認兩人是同一教練，故有一起打波，被笑指興趣接近，他即謂大家只是追潮流去玩。昨日是朱仔33歲正日生日，他透露晚上約家人打邊爐慶祝，被問有否約陳曉華？他即扯開話題指最近有跟其他同事慶祝。再問陳曉華會否請食飯？朱仔即說：「要問佢！（有傳祝賀短訊？）應該有，要check吓電話先知。（生日願望成家立室？）係快啲開劇，因為套劇延遲咗好多個月。」
蔡潔則表示最近忙到內地宣傳劇集《執法者們》，很開心該劇在內地有2億點擊率，並透露正等侍新劇《玫瑰戰爭》開工，笑言現時是待業中。
