Edan 洗頭全靠地心吸力

星島日報-娛樂

更新時間：03:00 2025-05-21 HKT
發佈時間：03:00 2025-05-21 HKT

夏日炎炎，對於經常要出席公開活動的藝人而言，洗頭是每日必做的事。今集《星級大搜查》搜查藝人明星的洗頭及護髮習慣，公開他們的獨門養髮秘技。
呂爵安（Edan）表示自己每天洗頭：「如果唔洗會覺得瞓覺好似好污糟，或者唔舒服。」至於洗頭方法方面，Edan強調要「低頭洗」：「因為細細個媽咪係咁樣幫我洗，我會覺得咁樣洗乾淨啲，有個地心吸力吸住啲頭髮，如果唔係，好似洗極啲gel仲喺個頭度。」
姚焯菲洗頭頻率睇季節
姚焯菲（Chantel）根據季節決定洗頭頻率，她說：「夏天嚟講，我每一日都會洗頭，同埋有時工作要噴定型噴霧，我覺得（用咗）對頭髮唔好嘅（產品）就每一日都要洗。但係冬天比較乾燥，如果每日洗頭，其實對頭髮好差，所以我可能會keep住隔日洗，除非出汗。」謝君豪則與Edan一樣每天洗頭，他說：「一定要洗咗先出門口，如果唔係就覺得自己成嚿嘢喺個頭，好似個雀巢咁塌晒！」
方力申自爆偶爾會隔日才洗頭，他表示若連續兩天有工作，翌日要出席活動便會在前一晚不洗頭：「我唔想聽朝去髮型屋set頭嘅時候，我呢個頭會留到去聽日，好似木乃伊咁瞓囉，唔郁咁樣瞓！」
皮膚科專科醫生陳厚毅表示，暫時沒有醫學實證證明「多洗頭易脫髮」，一般每次洗頭5至10分鐘已足夠，他建議最好用暖水洗頭。陳續指，選用護髮產品時則要視乎頭皮的情況，頭皮敏感者應特別小心。

↓立即下載星島頭條App↓