張振朗愛手機0%電量至充電

星島日報-娛樂

更新時間：03:00 2025-05-08 HKT
發佈時間：03:00 2025-05-08 HKT

　　都市人越來越依賴智能手機，手機電量是否充足，自然是一眾市民每日最關注的事。藝人明星同樣，他們甚至比一般市民更長時間使用手機。今集《星級大搜查》搜查明星的手機充電習慣，並找來香港資訊科技商會榮譽會長方保僑，分享保養手機鋰電池方法。
劉穎鏇及郭柏妍則自爆是緊張大師。劉穎鏇說：「通常超過一半便忍不住充電，因為我好冇安全感，見到個電量一路跌落去，好驚唔充電個電話會死。」郭柏妍則笑言因常被借用外置充電器，因此常備三個外置充電器。她說：「我無時無刻都會充，80%都會充，因為對於我嚟講冇晒電係非常大件事，因為我好多嘢都依賴咗手機，啲應用程式IG、小紅書、抖音……都會用到手機。」
朱敏瀚、張振朗和林寶玉同樣會在手機電池耗盡才充電，林寶玉認為對鋰電池較好，「應該用晒佢，跟住重新叉過，得返3%電量就差唔多喇！」笑言怕一邊充電一邊使用手機「會爆炸」。另外原來並非人人都會帶外置充電器出門。朱敏瀚及張振朗透露，平常習慣借用他人的外置充電器。張振朗指：「我都係一個鍾意見步行步嘅人嚟，如果我冇電咪走去搵人借充電器。」
多用Wi-Fi可省電
香港資訊科技商會榮譽會長方保僑接受《星級大搜查》訪問時指，可從充電習慣入手延長手機電池壽命。他說：「通常我哋都建議由20%開始充電至80%或90%，盡量唔好充滿。」另外常用需用到數據的應用程式亦是「食電」因素之一，部分常見的應用程式如IG、WhatsApp、facebook、YouTube等，想省電可多用Wi-Fi，減少用5G數據，以及關閉沒有使用而藏在後台的應用程式，大家又有沒有省電秘技？即刻下載《星島頭條》App留言給《星級大搜查》喇。

↓立即下載星島頭條App↓