KellyChu - 港珠澳大橋分階段封路半馬升格「國際金級賽事」 | Executive日記

專欄

更新時間：02:00 2025-01-04 HKT
發佈時間：02:00 2025-01-04 HKT

　　港珠澳大橋明日舉行半馬拉松賽事，大橋今日下午4點起將實施分階段封路措施，市民請留意相關交通安排喇。另外今屆賽事升格為國際田聯金級道路賽事，有16位特邀跑手來港參加，整個賽事共有8000名跑手參與。可以喺呢條世界最長嘅跨海橋樑挑戰半馬，定會係相當難忘嘅體驗。

　　港珠澳大橋今日下午4點至晚上約11點，會封閉香港連接路（往香港方向）嘅左線及中線，屆時要去香港嘅駕駛者須用相關路段右線。而往珠海及澳門方向路面嘅所有行車線不受影響。

　　第二階段由今日晚上約11點至明日下午約2點，往珠海及澳門方向行車線將全線封閉，原本往香港方向嘅路面則實施雙程行車，而來往䃟石灣掉頭處嘅支路亦會全封。

　　第三階段由明日下午約2點至4點半，再封閉一段往香港方向嘅左線及中線，前往香港嘅駕駛者須用相關路段右線。屆時往珠海及澳門方向所有行車線已解封。

　　對於去年賽事被指流動廁所不足，有跑手要「就地解決」，大會今年大幅增加賽道流動廁所至130個。而賽事今屆亦升格為國際田聯金級道路賽事，並有16位特邀跑手來港參加，包括日本「最強市民跑手」川內優輝。

KellyChu

↓立即下載星島頭條App↓