KellyChu - 馬布里拍片分享落戶原因大讚香港機遇處處美食多 | Executive日記

專欄

更新時間：02:00 2024-06-07 HKT
發佈時間：02:00 2024-06-07 HKT

　　美國NBA退役球星史提芬馬布里（Stephon Marbury）去年申請「高才通」計劃來港，獲政府破紀錄地在24小時內批准。香港人才服務辦公室邀請佢同多位嚟自世界各地嘅人才，拍攝宣傳片分享來港原因及感受，藉此廣邀海內外人才落戶香港。

　　馬布里喺日前出爐嘅首段宣傳片，盛讚香港係一個擁有多元文化嘅城市，大家冇語言障礙，到處都係新機遇，仲話香港好多美食，佢第一個學識嘅廣東話詞語就係「好味」，熱情好客嘅社群亦幫助佢融入本地生活。

　　馬布里曾效力紐約人、波士頓塞爾特人等球隊，其後轉戰中國男子籃球職業聯賽，曾任北京紫禁勇士籃球俱樂部主教練。

　　馬布里曾分享指出，中華文化改變咗佢嘅生命，希望向香港青少年分享佢喺北京工作、生活嘅經驗，從而令佢哋得到啟發，又形容香港將會成為佢「第三個家」。

　　人才辦下周將舉行線上招聘會，讓有意來港發展嘅人才加深了解各行各業發展機遇，屆時將提供超過500個專業職位空缺。

辛正兒