巡迴演唱新加坡站 草蜢難忘歌迷High爆唱足3個鐘
更新時間：00:00 2023-05-13 HKT
發佈時間：00:00 2023-05-13 HKT
發佈時間：00:00 2023-05-13 HKT
字體大小
草蜢先後到過台灣及美國舉行「RE: GRASSHOPPER 草蜢巡迴演唱會」，今個月初三子再到新加坡繼續巡迴演出。全場觀眾high翻天，整晚跟着草蜢一起跳唱，唱足3個鐘。唱完encore，熱情的歌迷仲唔捨得走，令草蜢留下深刻印象。
草蜢巡迴演唱會新加坡站在新加坡室內體育館舉行，全場5,800位觀眾high翻天，整晚跟着草蜢一起跳一起唱，完騷後三子一起接受訪問，蔡一智說：「估唔到我哋一開場，第一粒音，全場已經好crazy咁跟住唱足3個鐘，真係好犀利，亦都俾到好大力量我哋。」
6年未有到新加坡開騷，提到今次演唱會最難忘事件，蔡一傑面露尷尬表情說：「我哋有個環節，要將禮物拋去觀眾席送俾歌迷，可能當時我戴住手套，拋時甩手，成袋禮物撞向歌迷塊面，又好笑又尷尬，我不斷同佢講對唔住，最慘衝力太猛，份禮物撞完佢塊面再彈開，中咗『頭獎』但攞唔到禮物。」
除尷尬事件，新加坡歌迷的熱情，同樣令草蜢印象深刻，蔡一智說：「新加坡個場是3面台，歌迷要做出U字形人浪，難度好高，佢哋係連續幾首慢歌無間斷玩人浪，真係要俾啲掌聲新加坡歌迷。」蔡一傑補充說：「同埋完晒encore，唱晒歌單嘅歌，但啲歌迷唔捨得走，最後我哋3個要再上台，同大家謝幕，見多一面，講多次拜拜。」
■唱完encore歌迷唔捨得走，要草蜢再上台謝幕先肯離開。 
■蔡一傑表示最難忘是唔小心將成袋禮物，撞向歌迷塊面。
草蜢巡迴演唱會新加坡站在新加坡室內體育館舉行，全場5,800位觀眾high翻天，整晚跟着草蜢一起跳一起唱，完騷後三子一起接受訪問，蔡一智說：「估唔到我哋一開場，第一粒音，全場已經好crazy咁跟住唱足3個鐘，真係好犀利，亦都俾到好大力量我哋。」
6年未有到新加坡開騷，提到今次演唱會最難忘事件，蔡一傑面露尷尬表情說：「我哋有個環節，要將禮物拋去觀眾席送俾歌迷，可能當時我戴住手套，拋時甩手，成袋禮物撞向歌迷塊面，又好笑又尷尬，我不斷同佢講對唔住，最慘衝力太猛，份禮物撞完佢塊面再彈開，中咗『頭獎』但攞唔到禮物。」
除尷尬事件，新加坡歌迷的熱情，同樣令草蜢印象深刻，蔡一智說：「新加坡個場是3面台，歌迷要做出U字形人浪，難度好高，佢哋係連續幾首慢歌無間斷玩人浪，真係要俾啲掌聲新加坡歌迷。」蔡一傑補充說：「同埋完晒encore，唱晒歌單嘅歌，但啲歌迷唔捨得走，最後我哋3個要再上台，同大家謝幕，見多一面，講多次拜拜。」
