巡回演唱新加坡站草蜢难忘歌迷High爆唱足3个钟

头条日报-娱乐

更新时间：00:00 2023-05-13 HKT
发布时间：00:00 2023-05-13 HKT

草蜢先后到过台湾及美国举行「RE: GRASSHOPPER 草蜢巡回演唱会」，今个月初三子再到新加坡继续巡回演出。全场观众high翻天，整晚跟着草蜢一起跳唱，唱足3个钟。唱完encore，热情的歌迷仲唔舍得走，令草蜢留下深刻印象。

草蜢巡回演唱会新加坡站在新加坡室内体育馆举行，全场5,800位观众high翻天，整晚跟着草蜢一起跳一起唱，完骚后三子一起接受访问，蔡一智说：「估唔到我哋一开场，第一粒音，全场已经好crazy咁跟住唱足3个钟，真系好犀利，亦都俾到好大力量我哋。」

6年未有到新加坡开骚，提到今次演唱会最难忘事件，蔡一杰面露尴尬表情说：「我哋有个环节，要将礼物抛去观众席送俾歌迷，可能当时我戴住手套，抛时甩手，成袋礼物撞向歌迷块面，又好笑又尴尬，我不断同佢讲对唔住，最惨冲力太猛，份礼物撞完佢块面再弹开，中咗『头奖』但攞唔到礼物。」

除尴尬事件，新加坡歌迷的热情，同样令草蜢印象深刻，蔡一智说：「新加坡个场是3面台，歌迷要做出U字形人浪，难度好高，佢哋系连续几首慢歌无间断玩人浪，真系要俾啲掌声新加坡歌迷。」蔡一杰补充说：「同埋完晒encore，唱晒歌单嘅歌，但啲歌迷唔舍得走，最后我哋3个要再上台，同大家谢幕，见多一面，讲多次拜拜。」