Jacky哥 - 中銀香港全新品牌形象廣告「深知所以更近」｜企業熱話

頭條日報-專欄

更新時間：00:00 2023-02-13 HKT
發佈時間：00:00 2023-02-13 HKT

一個好嘅品牌形象廣告對企業同消費者都有好多嘅好處，係企業推廣嘅重要工具！最近中國銀行（香港）（中銀香港）就推出咗以「深知所以更近」（Understanding Brings Us Closer）為主題嘅全新品牌形象廣告，希望畀大家知道銀行嘅品牌理念同承諾！

呢輯全新品牌形象廣告片包括有「深知所以更近」主題篇、「創新科技」篇同「可持續發展」篇。透過主角對家庭、工作同社會嘅關心、努力實現理想嘅溫馨故事，帶出同銀行嘅共同理念。

推動智慧城市發展

喺廣告片中，主角係初創企業嘅老闆，通過善用科技，同員工一齊突破創新，實現目標；而作為父親，佢都努力守護環境，為孩子延續美好未來。就好似中銀香港咁，一直以「建設區域內一流現代銀行集團」為目標，積極發揮業務優勢，仲會利用創新科技跨越界限，如大力發展BoC Pay及BoC Bill電子支付業務、持續提升手機銀行及網上銀行服務能力，同喺香港推出數字人民幣體驗活動等，希望推動香港發展成為智慧型城市，同客戶一齊實現目標。

履行企業社會責任

另外，為咗延續美好未來，中銀香港從多方面實踐綠色及可持續發展嘅理念，當中包括持續豐富綠色金融產品和服務，去年仲聯同標普道瓊斯指數推出首個聚焦粵港澳大灣區的氣候轉型指數；同時，積極實踐普惠金融，參與慈善公益事業，仲鼓勵員工參與義工服務，齊齊構建一個和諧嘅社會！

平面廣告巧見心思

話你知，全新品牌形象仲有平面廣告，而設計都相當有心思！巧妙咁運用銀行嘅行徽同獨特嘅圓弧設計元素，以現代手法帶出連繫同國際化嘅概念，令品牌形象更鮮明突出。中國銀行行徽設計靈感源自中國古錢幣，錢幣寓意銀行，中間嘅「中」字代表中國，「外圓」造型象徵中國銀行係面向全球嘅國際性大銀行。咁有設計意念，真係值得一讚！
Jacky哥