Jacky哥 - 中银香港全新品牌形象广告「深知所以更近」｜企业热话

头条日报-专栏

更新时间：00:00 2023-02-13 HKT
发布时间：00:00 2023-02-13 HKT

一个好嘅品牌形象广告对企业同消费者都有好多嘅好处，系企业推广嘅重要工具！最近中国银行（香港）（中银香港）就推出咗以「深知所以更近」（Understanding Brings Us Closer）为主题嘅全新品牌形象广告，希望畀大家知道银行嘅品牌理念同承诺！

呢辑全新品牌形象广告片包括有「深知所以更近」主题篇、「创新科技」篇同「可持续发展」篇。透过主角对家庭、工作同社会嘅关心、努力实现理想嘅温馨故事，带出同银行嘅共同理念。

推动智慧城市发展

喺广告片中，主角系初创企业嘅老板，通过善用科技，同员工一齐突破创新，实现目标；而作为父亲，佢都努力守护环境，为孩子延续美好未来。就好似中银香港咁，一直以「建设区域内一流现代银行集团」为目标，积极发挥业务优势，仲会利用创新科技跨越界限，如大力发展BoC Pay及BoC Bill电子支付业务、持续提升手机银行及网上银行服务能力，同喺香港推出数字人民币体验活动等，希望推动香港发展成为智慧型城市，同客户一齐实现目标。

履行企业社会责任

另外，为咗延续美好未来，中银香港从多方面实践绿色及可持续发展嘅理念，当中包括持续丰富绿色金融产品和服务，去年仲联同标普道琼斯指数推出首个聚焦粤港澳大湾区的气候转型指数；同时，积极实践普惠金融，参与慈善公益事业，仲鼓励员工参与义工服务，齐齐构建一个和谐嘅社会！

平面广告巧见心思

话你知，全新品牌形象仲有平面广告，而设计都相当有心思！巧妙咁运用银行嘅行徽同独特嘅圆弧设计元素，以现代手法带出连系同国际化嘅概念，令品牌形象更鲜明突出。中国银行行徽设计灵感源自中国古钱币，钱币寓意银行，中间嘅「中」字代表中国，「外圆」造型象征中国银行系面向全球嘅国际性大银行。咁有设计意念，真系值得一赞！
Jacky哥