「惡夢扭蛋」入圍叱咤新人組合《造星II》Hugo獨立發展歎辛苦

頭條日報-娛樂

更新時間：04:19 2021-12-03 HKT
發佈時間：00:00 2021-12-03 HKT

　　ViuTV《全民造星II》十強的丘凱雄（Hugo、Higgo Raj），參賽時被姜濤睇好，而決賽一首《山下見》令他被網民捧上天，雖然唱得形象又特別，但Hugo不像同季的吳啟洋（Phoebus）、張天賦（MC）及曾比特（Mike）等簽唱片公司，反而走獨立歌手路線。最近他跟《造星》工作人員Dayze組成的「惡夢扭蛋」入圍叱咤新人組合，當事人唔恨攞獎，有得出席最緊要。採訪：秦詠姿攝影：葉君海、譚壹致

　　由於要獨立發展，因此Hugo參加「搶耳音樂廠牌計劃」學嘢：「佢哋會教經驗淺嘅音樂人點樣經營個人音樂廠牌，會教影像或版權等等遇到嘅問題。」他坦言獨立發展幾辛苦：「完咗《造星II》後，我有同Mike玩，見到佢簽唱片公司的確可以得到好多資源，幫你建立歌手形象，我覺得好好。但要同唱片公司協調，對我會比較辛苦。」他也希望找到理念相同的公司合作，但暫時覺得做獨立音樂人最舒服。
　　經營音樂事業的確辛苦，但Hugo並不是獨力支撐，早前他與《造星》工作人員Dayze組成「惡夢扭蛋」，他說：「本身佢係《造星》Writer，我哋去台灣旅行，佢有感情問題，我叫佢用文字記錄感受，嘗試創作成歌曲，慢慢就變成音樂計劃。」對於能否得獎，他沒有信心：「其實我一向都唔係好渴望獎項，唔係得失心好重嘅人，做好自己本份就得，我出席係想着靚衫、去玩同追星！」