東奧空手道|哥哥爆劉慕裳趣事 愛大笑自認左臉靚啲
更新時間:09:44 2021-08-09
發佈時間:07:54 2021-08-09
發佈時間:07:54 2021-08-09
劉知名仲話,劉慕裳都幾大頭蝦,個銀包成日得三十蚊,所以經常向佢借錢,而佢哋一齊訓練時,人人都叫劉慕裳做妹妹,叫佢做哥哥,劉慕裳變成「眾人妹妹」,但現時就變咗「空手道一姐」。
知女莫若母,劉慕裳媽媽形容個女生活都幾糊塗,但對空手道運動就好認真,佢知道訓練想做到嘅效果,亦都跟到教練嘅要求,十分之有目標,並努力邁進。