【Juicy叮】首到同學公屋家住私樓網民驚覺：原來差咁遠

港聞

更新時間：19:16 2020-09-24 HKT
發佈時間：16:56 2020-09-24 HKT

近年不少公屋的環境已經相當宜人。資料圖片

香港一向置業艱難，尋得一個安樂窩是不少人的理想，近日便有網民討論到底公屋與私樓有多大的分別。

「連登討論區」有網民發文，指自己小時候住在私樓，不知道公屋的環境，「細細個住私樓，夏天去樓下泳池游水，得閒去會所做下暑期作業，以為個個人屋企樓下都有泳池」，又指住公屋的朋友都羨慕他，「佢地話上你屋企玩下啦，跟住佢哋入完樓下花園個鐵閘後就哇哇哇，見到個大堂又哇哇哇，入到屋之後就話你屋企好大好靚呀，我同佢講：平時我訓下面個層，佢話：你仲有一層呀，個陣我都無為意，覺得佢地好客氣」，網民並指從小住在私樓的自己從未到訪公屋，直到上同學家才發現公屋的空間比起私樓差得多，「之後去左個公屋朋友屋企叫佢教我入歌落mp3度，個陣先知道原來公樓私樓差咁遠」。

網民稱小時候居住私人樓宇未去過公屋。資料圖片

帖文引起其他網民熱議，有網民留言表示擁有相同的經歷，「一出世住二三千呎唐樓，細個以為係屋企踏單車係好正常，成日叫啲同學仔上嚟踏單車。」，亦有網民同意公屋的居住環境十分惡劣，「細個個時去阿婆屋企食飯，佢住公屋，成日都覺得條邨好污糟，就唔想去，從此覺得自己屋企都唔係太差。」、「中學先去留意邊個係住公屋，印象中就係走廊又長又陰沉，廁所好多核突渠管。」

但亦有其他網民表示，公屋也有好處，「公屋大，細係細啲但真係會同屋企人親密啲」，有網民便指無需介懷自己居住環境，「中學就好多同學都係有錢仔，住豪宅，個內心都只係「嘩咁大好舒服」，但都係覺得咪又係咁，完全唔會覺得自卑/睇唔起人住公屋。」。另外有網民指其實現時新式公屋的環境已經改善了很多，「覺得公屋唔係樓上講得咁恐怖，呢10年啲公屋環境好過舊私樓好多，至少廁所乾濕分明又夠光猛，而且爛馬桶、水龍喉都唔使揞荷包去整，我都想整番層嚟住」。